Zynomi Latgalīšu kulturys goda bolvys “Boņuks 2014” nominanti

Portals lakuga.lv 4. Februars, 2015. gods 2
Zynomi Latgalīšu kulturys goda bolvys “Boņuks 2014” nominanti

Šudiņ teik paziņuoti Latgalīšu kulturys goda bolvys “Boņuks 2014” pretendenti 16 nominacejuos sabīdreibys i kulturys, muzykys i literaturys sadaļuos. “Boņuks” ir vīneiguo bolva, kas eipaši izceļ i gūdynoj sasnāgumus latgalīšu kulturys dzeivē. Bolvys sajiemieju vuordi tiks paziņuoti svineigajā ceremonejā Latgolys viestnīceibā GORS ituo goda 22. februarī.

Latgalīšu kulturys goda bolvys “Boņuks” mierkis ir veicynuot latgalīšu kulturvidis saglobuošonu i atteisteibu, kai ari apkūpuot i gūdynuot svareiguokūs sasnāgumus latgalīšu kulturā pārnejuo goda grīzumā. Itūgod beja sajimtys 180 dasacejuma anketys vysam bolvys pretendentu skaitam sasnādzūt 130 ļauds, nūtikšonys i aktivitatis. Nu sajimtūs dasacejumu tyka izvārtāti pretendenti, kas atbylda bolvys nūsacejumim. Taipat piec dasacejumu sajimšonys tyka sasprīsts apvīnuot literaturys sadalis nominacejis “Lobuokais snāgums dzejā”, “Lobuokais snāgums prozā”, “Goda debeja literaturā” vīnā kategorejā – “Lobuokais snāgums literaturā”. Itūšaļt teik paziņuoti nominanti 16 nu vysu 18 kategoreju. Bolvys nominanti kategorejuos “Par myuža īguļdejumu latgalīšu kulturys atteisteibā” i “Radejis hits” byus paviesteiti, kod ceremoneja īs tyvuok.

Latgalīšu kulturys goda bolvys “Boņuks 2014” nominanti ir:

Sabīdreiba i kultura:

Goda cylvāks kulturā
Aleksandrs Lubāns (“Kroma kolna broliste” vadeituojs)
Anastasija Ločmele (Muzykys školuotuoja, koru dirigente, vokalūs ansambļu vadeituoja, bazneicys koru vadeituoja i varganiste)
Andris Slišāns (Namaterialuo kulturys centra “Upīte” direktors)
Edīte Husare (Folklorys kūpa “Ceidari”, latgalīšu kulturys aktiviste)
Guntra Kuzmina (Rēzeknis nūvoda vokaluos studejis „SKONAI” muokslinīcyskuo vadeituoja)
Māra Zaļaiskalns (Rēzeknis Tautys teatra režisore)

Goda nūtikšona
Bolvu Nūvoda muzejs – “Zīmeļlatgolys namaterialuo kulturys montuojuma ekspoziceja”
Franča Trasuna 150 godu jubileja nūtikšonys
Festivals “Muzykys skytuļs 2014” Leiksnā
Grupu “Rikši”, “Green Novice” i “Dabasu Durovys” albumu izīšona– latgalīšu muzykys veicynuošona

Par latgalīšu volūdys populariziešonu
LTV1 raidejumu ciklys “Cytaidi latviskais”
Kārlis Kazāks (dzīsmis latgaliski i Latgolys stuosti)
Kuorsovys nūvoda pošvaļdeibys projekts “saREDZI latgalīšu volūdu”
Bīdreiba “Latgolys Studentu centrs” ar vysa goda latgaliskajom aktivitatem

Goda amatnīks/saiminīks
Aglyunys Maizis muzeja saimineica Vija Kudiņa
Elektriskūs gitaru meistars Jānis Kuzminskis
Tierdznīceibys centra “Ūga” saiminīki Ingūna i Aigars Zīmeļi
SIA “Sātys” eipašnīks Juris Vucāns

Goda snāgums vizualajā muokslā
Bīdreiba “Latgolys Studentu centrs” –postkartis ar latgaliskim teicīnim
Muokslineica Diāna Īve – triptihs “Atlantīda”
Osvalds Zvejsalnieks – septeņdesmit godu jubileja izstuode “Terra Vitae”
Žurnals A12 – Latgolys i Latvejis socialuos atminis īmyužynuotuojs

Goda snāgums skotuvis muokslā
Daugovpiļs teatra izruode “Dabaseibys pūddarneica jeb viņa Debešķības Laimesciema podniekdarbnīca”
Izvadums “Francis”
Latvejis Nacionaluo teatra izruode “Latgola.lv 2”
Rēzeknis nūvoda vokaluos studejis “SKONAI” originalizvadums “Dasadūrt dabasim”

Goda snāgums audiovizualajā muokslā
LTV1 raidejumu ciklys “Cytaidi latviskais”
Kina “Segvārds Vientulis”
SIA “Lietišķā Latgale” taiseitais kasnedelis raidejums “Pi Myusim Latgolā”
Viestura Kairiša dokumentaluo kina “Pelikāns tuksnesī”

Muzyka:

Lobuokais snāgums pop/rock muzykā:
Bez PVN
Dabasu Durovys
Kārlis Kazāks
Laura Bicāne

Lobuokais snāgums tautys muzykā:
Folklorys kūpa “Ceidari”
Grupa “ElektroFolk”
Grupa “Lata Donga”
Jaunīšu folklorys kūpa “Rūtoj”
Postfolklorys grupa “Rikši”

Lobuokais snāgums alternativajā muzykā:
Green Novice
Projekts “Kapļi”
Sovvaļnīks

Lobuokais snāgums akademiskajā muzykā:
Festivals “Latgales Ērģeļu dienas”
Latvejis Radejis korakoncertizvadums “Rakstītāja”
Opera “Māja Mītelim” – skaņdorbs “Pasiedi, meiteņ”
Rihards Dubra ar skaņdorbu “Tu skaistō Dīva dōrzarūze”

Lobuokais muzykys video:
Asnate Rancāne – “Pavasars”
Dvinskas muzikanti – “Dzymtuo puse”
Grupa “Lata Donga” – “Ūsi, ūsi, kod lopuosi”
Rēzeknis nūvoda vokaluo studeja “Skonai” – “Skani, debesteņ”

Goda debeja muzykā:
Asnate Rancāne i folklorys kūpa “Garataka”
Folklorys kūpa “Ceidari”
Rēzeknis nūvoda vokaluo studeja “Skonai”

Lobuokais snāgums šlagermuzykā:
Dvinskas muzikanti
Laimas muzykanti
Tihovsku saime

Literatura:

Lobuokais snāgums literaturā:
Ilze Sperga par gruomotu “Dzeiveiba”
Inga Ābele par gruomotu “Klūgu mūks”
Ligija Purinaša par dzeju i prozu

Lobuokais izdavums/gruomota:
Inga Ābele “Klūgu mūks”
Juris Cibuļs “Purlovas grāmata”
Lideja Leikuma, Jurs Cybuļs “Skreineite”
Žurnals “A12”

Bolvys “Boņuks 2014” viertiešonys komisejā itūgod dorbuojās pārnejuo goda bolvys sajiemieji: muzike i pedagoge Guntra Kuzimna, režisors Edgars Blinovs, SIA “AusmeņaKebabs” eipašnīks Valters Murāns, DJ Monsta, Guntis Rasims nu grupys “Bez PVN”, dzejneica Ineta Atpile-Jugane, dzejneica Anna Rancāne, žurnaliste Daira Kokoreviča, literaturzynuotnīks i TV raidejumu vadeituojs Valentīns Lukaševičs, pietneica Ilga Šuplinska, literats i muzikis Oskars Orlovs, komponiste Ilona Rupaine, muzike Biruta Ozoliņa, muzikis Romāns Sladzis, muzikis Aldis Kise, latgalīšu kulturys atbaļsteituojs Juoņs Blaževičs, horeografe Inga Drele, Latgolys viestnīceibys GORS vadeituoja Diāna Zirniņa i TV producente Sandra Freiberga.

Svineiguo bolvys padūšonys ceremoneja byus ituo goda 22. februarī 16.00 Latgolys viestnīceibys GORS Lelajā zalā. Ceremonejis pyrmajā daļā varēs nūsavērt izvadumu “Francis”, kas veļteits īvārojamajam vaļstsveiram Fraņčam Trasunam, nu tuos ūtrajā daļā byus latgalīšu kulturys 2014. goda svareigūs nūtikšonu, ļaužu i aktivitašu gūdynuošona. Iz ceremoneju meili gaideiti nominanti, viertiešonys komiseja, medeju puorstuovi i kotrys latgalīšu kulturys iņteresents.

Komentari slāgti.