24. aprelī ar duovonom i puorsteigumim sovim apmaklātuojim diveju godu jubileju svietēs Daugovpiļs Marka Rotko muokslys centrs. 

Pīktdiņ, 24. aprelī, nu 11 da 19 muokslys centru varēs apmeklēt bez moksys, kluot vēļ vysim centra apmeklātuojim byus vareiba apsavērt jaunuos “kosmosam” veļteituos izstuodis: tiks atkluota pūļu muokslinīku Karola Karvovska, Pšemislava Karvovska i Romana Boravska izstuode “Haoss – Kosmoss – Labirints”, kasgadiejuo Latgolys regiona muokslinīku muokslys dīnu izstuode, kurys vīnuojuošuo tema itūreiz ir “Klaunāde”, kai ari Amerikys latvīšu muokslinīka Sigurda Vīdzirkstis gleznīceibys i grafikys dorbu izstuode “Melnā saule – Sigurds Vīdzirkste – Ņujorkas avangardists”, Valdys Mežbuordis gleznīceibys dorbu personalizstuode “Krasts”, keramikis Eleonorys Pastaris personalizstuode “Vakara meditācijas” i fotoizstuode “Vižikovskis un citi – poļu ieguldījums fotogrāfijas attīstībā Latvijā”.

16.00 pasuokuma dalinīki varēs nūsaklauseit grupys “Dabasu Durovys” koncertu, kuram sekuos svineiga jaunuos izstuožu sezonys atkluošona, bet nu 17.00 suoksīs foto, klaunu i muzykys laboratorejis.