Prezentēs gruomotu “Ludzas igauņu pasakas”

LaKuGa 3. Juņs, 2015. gods Comments Off on Prezentēs gruomotu “Ludzas igauņu pasakas”

8. junī gruomotu i kulturpreču sātā “NicePlace Mansards” (Reigā, Kr. Barona ūļneicā 21a) 18:00 stuņdēs atvērs gruomotu “Ludzas igauņu pasakas”. Prezentacejis pasuokumā byus vareiba nūsavērt ari dokumentalū kinu “Pazudusī cilts: stāsts par Ludzas igauņiem”.

Ludzys igauni aba luci (igauņu volūdā lutsi) beja Ludzys apriņčī dzeivuojūša katuoļticeigūs Latvejis igauņu etniskuo grupa. Luci dzeivuoja Pyldys, Nierzys i Ņukšu pogostu teritorejā. Līceibys par lucim sasaglobuojušuos vītvuordūs, teikuos i puosokuos.

Gruomotā “Ludzas igauņu pasakas” ir apkūpuotys piļneigi vysys Oskara Kallasa, Pauloprīta Volainis i Augusta Sanga ekspedicejuos (19. gs. beiguos i 20. gs. pyrmajā pusē) pīraksteituos lucu puosokys.

Tys ir unikals etnografisks, mitologisks i leksisks materials, ar kū niu var īsapazeit ari latvīšu skaiteituoji.

Gruomotu izdevs apguods “Mansards”, nu igauņu volūdys tulkuojs Guntars Godiņš. Gruomota izdūta ar Valsts Kulturkapitala fonda atbolstu.

ludzas igauni prezentacijas pasukums

Komentari slāgti.