Nūtiks Latgolys senioru dzišmu i deju festivals

LaKuGa 17. Juņs, 2015. gods Comments Off on Nūtiks Latgolys senioru dzišmu i deju festivals

Dagdā 20. junī vaira kai 900 dalinīku puļcēsīs iz Latgolys senioru XIV dzīšmu i deju festivalu „Sanāciet, sadziediet, sasadancojiet”. Festivalā pīsadaleis Latgolys senioru vokalī ansambli, kori, deju kolektivi, folklorys kūpys, etnografiskī i mozuokumtauteibu ansambli.

Festivala suokums 14:00 stuņdēs, dīnys koncerti nūtiks vairuokuos vītuos piļsātā – pi Dagdys nūvoda dūmis ākys i Veseleibys i socialūs pakolpuojumu centra „Dagda”. Sovukuort nūslāguma koncerts nūtiks piļsātys parka estradē, tymā skanēs gon goreiguo muzyka, gon tautys dzīsmis, gon myusu dīnu ritmi. Ar sovom dejom i dzīsmem īpazeistynuos mozuokumtauteibu kolektivi. Festivala nūslāgumā byus zaļumbals.

senioru dzismu i deju svatki 2015 lelais

Komentari slāgti.