Itymā nedeļgolā, 12. septembrī, vysi teik aicynuoti magiskā nakts avanturā iz pīrūbežu – Kuorsovys nūvoda Nūmērnis mežu, kur nūtiks kasgadiejais Nakts sieņuošonys festivals “Ejom bakuot!”.

Jem pi rūkys divejus uztycamus bīdrus, nūsadrūšynoj ar lobuokuo sieņuotuoja ekipejumu – peita klugu skaline, nazeits, luktureits, parūceigys drēbis, atrūņ kartē, kur atsarūn Saļņovys pogosta Nūmernis mežs i nūsaskaņoj meža izaicynuojumam.

Puļciešonuos suoksīs Nūmērnis mežā 20.00, sieņuot dūsīs 20.30. Tikšonuos vīta piec GPS koordinatu: 56.846549,27.4798143 i kartē ite.

Sieņuotuojim īprīšk juopīsasoka, zvonūt 28343926 (Jurs).