Kolnasāta 26. septembrī

LaKuGa 27. Septembris, 2015. gods Comments Off on Kolnasāta 26. septembrī
Kolnasāta 26. septembrī

Vacūs ļaužu pansionatus Latgolā ogruok sauce par “bagadzeļņom” voi “nabogmuojom”. Niu tī ir “senioru socialūs pakolpuojumu centri”. Privatūs pansionatu Latgolā ir cīši moz, partū seniori puorsvorā izmontoj pošvaļdeibu dūtū paleidzeibu. Renāte Lazdeņa skaidroj, kū pansionati pīduovoj i cik tys moksoj.

Lelajā sarunā – Māris Kudurs, jauns cylvāks, kas jau 10 godu struodoj Rēzeknis logopediskajā internatpamatškolā i breivajā laikā organizej laivu braucīņus i nūmetnis vysu vacumu cylvākim. Vīnā nu pādejūs vosorys pasuokumu savuoce 30 cylvākus nu Rēzeknis, Aglyunys i Preiļu nūvoda i guoja puorguojīnī ap Rušyuna azaru. Niu ir nūdybynuota bīdreiba “Austrumlatvijas radošo iniciatīvu centrs”, i tyvuokajūs godūs vairuokus hektarus zemis Māris gryb puorvērst par aktivuos atpyutys poligonu, kur varēs puorvarēt škieršļu jūslys, orientētīs mežā, slēpuot, saut ar lūku i piļdeit cytus aizdavumus.

Sovukuort Vuordineicys eksperti pasavērs, kai festivalūs veicās muzikim, muokslinīkim, motobrauciejim i dzejnīkim i stuosteis, kaida ir festivalu saisteiba ar dīvu gūdynuošonu i sveicynuos Armandu Ūzuleņu – vīneigū latgalīti, kas izastuojs Glastonberejis muzykys festivalā.

Raidejumu klausīs ite.

Komentari slāgti.