Reigys Gruomotu svātkūs byus ari LgSC gruomotu golds

LaKuGa 15. Oktobris, 2015. gods Comments Off on Reigys Gruomotu svātkūs byus ari LgSC gruomotu golds

Nu 23. da 25. oktobra Reigys Kongresu nomā nūtiks tradicionalī Reigys Gruomotu svātki, kur, kai īrosts, byus vareiba īsaguoduot ari latgalīšu literaturu Latgolys Studentu centra gruomotu goldā.

Gruomotu svātki tiks atkluoti 23. oktobrī 12.00. Pyrmajā dīnā cytu nūtikšonu vydā byus vareiba ari izzynuot vaira par Latvejis Nacionaluos enciklopedejis radeišonu, par kū stuosteis tuos golvonais redaktors Valters Ščerbinskis.

24. oktobrī paradzātys i sasatikšonys i ar bārnu gruomotu autorim, i pīaugušajim rokstūšajim literatim. Tymā skaitā sovu varēs sasatikt ar latgalīti, gruomotys “Jaunas un vecas ziņas par ilgu un laimīgu dzīvošanu” autoru Anatoleju Danilānu.

Ari 25. oktobrī paraleli cytom aktivitatem paradzāta latgalītis Evys Mārtužys dzejis gruomotys “Nepiesavināma” prezentaceja.

Kotru dīnu nūtiks ari lotereja i gruomotu maiņa.

Plakats_A3_2015_druka-page-001

Komentari slāgti.