Ondrupinē puorcyluos Zīymyssvātku tradiceju pyuru

Ondrupinē puorcyluos Zīymyssvātku tradiceju pyuru

25. decembrī sevkurs interesents muzejā “Ondrupinis lauku sāta” aicynuots iz rodūšom darbneicom i Zīmyssvātku tradiceju pyura puorcyluošonu, informej kulturys i muokslys bīdreibys “Teira Latgolys muoksla” puorstuove Evija Maļkeviča.

Nu 14.00 da 15.00 muzeja īšktelpuos planavuotys darbneicys, kurymuos nu dabeigu materialu varēs gatavēt egleišu rūtuojumus, cept i izrūtuot pošim sovys Zīmyssvātku piparkūkys, kai ari īsasaisteit spēlēs i aktivitatēs muzeja pogolmā.

Nu 15.00 da 16.30 muzeja konfereņču zalā nūtiks ūtrei pasuokuma daļa –“Zīmyssvātku tradiceju pyurs”, kuruos laikā tiks stuosteits, runuots i dzīduots par Kūču vokoru, Zīmyssvātku iedīnim i tūs gataveišonys tradicejom, kai ari čyguonūs īšonu. Planavuota ari rodūšys izstuodis atkluošona par temu “Īsim čyguonūs”. Pasuokumā muzicēs i rūtaļuos aicynuos folklorys kūpa “Sovvaļņīki” i bārnu folklorys kūpa “Saiveņa”.

Iz pasuokumu apmaklātuoji aicynuoti īt ari ar sovim stuostim par saimē, rodu, draugu voi paziņu lūkā praktizātom Zīmyssvātku laika tradicejom. Nūslāgumā – Zīmyssvātku zupa, zuoļu čajs i pošu captuos piparkūkys.

Īīšona: bez moksys.

Andrupenes muzejs_Afisa_ZS__final

Nūtikšonu kalendars

Dec
11
Ūtr
14:00 Viesturis šaļteņu pītura “Piemin... @ Latgolys Kulturviesturis muzejs
Viesturis šaļteņu pītura “Piemin... @ Latgolys Kulturviesturis muzejs
Dec 11 @ 14:00
Viesturis šaļteņu pīturā pīminēs vyspuseigū Latgolys personeibu Ontonu Slišānu, atguoduos kūpā muzejā pavadeituos šaļts, byus sasatikšona ar O. Slišāna tyvinīkim.Drukavuot
Dec
13
Cat
19:00 Gruomotys “Latgales pēdējie mohi... @ Reigā, Veru īlā 6
Gruomotys “Latgales pēdējie mohi... @ Reigā, Veru īlā 6
Dec 13 @ 19:00
Gruomotys "Latgales pēdējie mohikāņi" attaiseišona @  Reigā, Veru īlā 6 | Rīga | Latvija
Gruomota topuse vairuoku ekspediceju rezultatā, kuruos folkloriste i Zīdūņamuzeja pietneica Rūta Šmite kūpā ar antropologi i fotografi Elīnu Kursīti vuokušys cylvāku stuostus i īmyužynuojušys Latgolys mozcīmu īdzeivuotuojus fotografejuos. Gruomotu veidoj 52 stuosti, kurus papyldynoj vizuali boguoteigys[...]