Svātdiņ Breivdobys muzejā nūtiks maja dzīduojumi pi krysta

LaKuGa 6. Majs, 2016. gods Comments Off on Svātdiņ Breivdobys muzejā nūtiks maja dzīduojumi pi krysta
Svātdiņ Breivdobys muzejā nūtiks maja dzīduojumi pi krysta

Svātdiņ, 8. majā, Latvejis Etnografiskajā breivdobys muzejā nūtiks maja dzīduojumi pi krysta, kai ari dīvkolpuojums, kuru vadeis prīsters Renārs Birkovs.

Maja dzīduojumi pi krysta ir jauna tradiceja Breivdobys muzejā, nu seneja tradiceja Latgolā i Augšzemē. Krysts Latgolys katuoliskajuos tradicejuos ir puordūmu i apsastuošonys vīta, kur golvu paceļt iz augšu, nūjimt capuri, atdūt gūdu Dīvam. Maja dīvkolpuojumus ļauds sauce par “dzīduošonu pi krysta” i nūturēja piec pošu īrūsmis.

Eleonorvillys muižys kapelā nūtiks Svātais Mišs, kuru vadeis Svātuo Jākuba katedralis prīsters Renārs Birkovs, i pi Gutu solys krysta skanēs Marijis dzīsmis, kurūs dzīduojumu vadeis VEF Kulturys piļs seniora kluba latgalīšu sadzeivis dzīšmu ansamblis “Olūteņš”.

Foto: Kristīne Pokratniece

Print

Print

Komentari slāgti.