Malnovys “Dzīļu” maizneicā svieteis Vosorys svātkus

LaKuGa 12. Majs, 2016. gods Comments Off on Malnovys “Dzīļu” maizneicā svieteis Vosorys svātkus

Vosorys īsastuošonu ar gordom vālajom brūkaškom nu vītejim produktim, skaneigom lauku muzykantu dzīsmem i sātys ražuotuoju tiergu 15. majā nu 11.00 aicynoj atkluot Tierga cīms i Malnovys “Dzīļu” maizneica, informej Kuorsovys nūvoda turisma organizatore Inga Bernāne.  

Vosorys svātku laikā Tierga cīma i Malnovys “Dzīļu” maizneicys saimineica Aina Barsukova aicynoj atzeimuot ari saimis dīnu. Vosorys svātku garša i sajiutys atsaspīgeļuos i iedīņu izvielē brūkašku goldā, i ari aktivitatēs vysai saimei. Gosti ir aicynuoti jimt leidza dzejis komuleišus, kab turpynuotu pārņ aizsuoktū tradiceju leluo saimis komuļa sateišonā, kas ir kai saimis spāka i vīnuoteibys simbols.

Tierga cīms atsarūn sūpluok stuostim apveitajai Malnovys muižai i ir oaze kasdīnys steigā, kur lauku lobumu īpierkšonys prīcu var apvīnuot ar nasteidzeigu svātdīnis vālūs brūkašku baudeišonu.

Vosorys svātki saistuos ar meiju i bārzu smuordu, kod Vosorys svātku sastdīnē vysi teirej i puškoj sātu, sakūp ustobys, slauka pogolmus, izpuškoj sātu ar bārzim, besa kūku zorim i meijom, kas, reibynūši smuorduodami, roda sajiutu, ka ir atguojuse vosorys piļneiba i doba ir atsataisejuse vysā sovā kruošņumā.

Informaceja par pasuokumu pi saimineicys Ainys Barsukovys (26538016).

13161757_808015325967367_6025733846224932002_o

Komentari slāgti.