Nacionalajā teatrī īstudej Annys Rancānis lugu

LaKuGa 11. Oktobris, 2016. gods Comments Off on Nacionalajā teatrī īstudej Annys Rancānis lugu

14600949_10154089585763095_5214771744577913179_n4. decembrī Latvejis Nacionalajā teatrī pyrmizruodi pīdzeivuos režisora Valda Lūriņa īstudātuo izruode “Bišumāte un vilkacis”, kuruos pamatā ir Annys Rancānis luga, viestej informaceja teatra sātyslopā.

Tys ir stuosts par dzeivi Latgolys pīrūbežā. Par paguotni, kura vys vēļ vojoj. Par malim, kasdīnu i napruoteigu gribiešonu piec mīlesteibys. Piec mīlesteibys, kas vīneiguo spiej pīpiļdeit reizem itū sasūdeitai napanasamū dzeivi.

Lūmuos: Marija Bērziņa, Daiga Gaismiņa, Lāsma Kugrēna, Ilze Rudolfa, Muorteņš Brūveris, Gundars Grasbergs, Ivars Kļavinskis, Muorteņš Egliens, Mārcis Maņjakovs, Voldemars Šuoriņš, Uldis Norenbergs, Normunds Laizāns, Juoņs Āmanis, Kaspars Aniņš i Valdis Zilveris.

Itys Annys Rancānis dorbs sajēme ūtrū vītu Nacionaluo teatra lugu konkursā 2016. godā.

Beleti iz decembra izruodem jau nūpierkami teatra i “Biļešu Paradīzes” kasēs.

Komentari slāgti.