Preiļūs apsaverama Juoņa Streiča izstuode

LaKuGa 1. Decembris, 2016. gods Comments Off on Preiļūs apsaverama Juoņa Streiča izstuode
Preiļūs apsaverama Juoņa Streiča izstuode

Da 28. decembra Preiļu kulturys noma izstuožu zalā Preiļu viesturis i lītiškuos muokslys muzejs pīduovoj izstuodi “Jānis Streičs. Jubilāra vaļasprieks”, viestej Preiļu nūvoda sātyslopa.

Izstuodē apsaveramys izcyluo kinorežisora, scenarista, aktera, gleznuotuoja, Preiļu Gūda pylsūņa Juoņa Streiča gleznys i nu muzeja kruojuma, i nu privatkolekceju, kai ari jaunuokī dorbi nu autora kolekcejis.

Gleznu sižetūs cauri vynās bierneibys atminis i tyvūs vītu attāluojums šudiņdīnys redziejumā – smeļdzeigi, izteiksmeigi i spūdri.

Izstuodi papyldynoj bierneibys, školys godu i studeju godu kartenis. Izstuodē eksponātys ari cīši nūzeimeigys lītys režisora dorba dzeivē: rokstammašyna, iz kuruos radeiti scenareji kinom “Cylvāka bārns” i “Likteņdzirnas”, megafons, “Likteņdzirnu” filmiešonys laika kalenders, kai ari vysnūzeimeiguokuo līta – kinokamera.

Komentari slāgti.