Latgalīšu repa apvīneiba LRF pīduovoj jaunu dzīsmi “Nikur nav tai labi”

LaKuGa 2. Februars, 2017. gods Comments Off on Latgalīšu repa apvīneiba LRF pīduovoj jaunu dzīsmi “Nikur nav tai labi”

Latgalīšu repa apvīneiba LRF pīduovoj jaunu dzīsmi “Nikur nav tai labi”, kas viestej par izjiutom svešumā i ilgom piec tūs, kas spīsti byut tuoli nu sovys dzimtinis.

Apvīneiba LRF nu Cyblys nūvoda Felicianovys izveiduota jau dīzgon paseņ, apsavīnojūt puišim nu pogolma, kotram ar sovom dūmom, idejom i pīeeju. Jūs darbeibys lauks ir reps. Pyrmsuokumūs teksti bejuši i latgalīšu, i latvīšu, i krīvu volūduos, nu pādejūs godūs dzīsmis pamatā teik raksteitys latgaliski – tai, kai poši ari kasdīnā runoj.

Laika gaitā ir mainejīs i apvīneibys sastuovs, i pīeeja. Tān kotrys īt sovu ceļu – saimis, dorbi, “laimis mekliešona” aiz dzimtinis rūbežu itt. “Tymūs ratajūs breižūs, kod izadūd sasavuokt kūpā, rūnās jaunys idejis i vieļmis, kū pīpiļdeit i muzykā, i ari dzeivē. Lai radeitu dzīsmi, vajadzeigs laiks – cytreiz pīteik ar nedeļu, cytreiz – paīt godi. Partū myusu gora dorbi i nadorbi tūp na tik bīži, cik grybātūs. Rokstam sovai prīcai, draugu lūkam i asam pateiceigi vysim, kurī nūviertej myusu īguļdeitū dorbu. Grybam pasasaceit vysim, kas myus atbaļstejuši!” soka apvīneibys puorstuovi.

2012. godā apvīneiba radeja miksteipu “Piļcinis viļcīņs”, nu kuruo ari pīduovojam nūsaklauseit vairuokys dzīsmis:






Komentari slāgti.