Dīnys niu palykušys garuokys i vys vaira cylvāku breivdīnuos gatavejās eisuokim i garuokim izbraukumim. Itys ir ari eistais laiks, kab dūtūs iz Daugovpiļs Marka Rotko Muokslys centru apsavērt septeņus jaunuokūs muoklsys projektus par eipašom akcejis cenom.

4. junī vysuos maineigajuos izstuodēs īīšona tikai par 1,50 eiro. Pastuoveiguo muokslys centra ekspoziceja “Marks Rotko. Dzīve un māksla” ar M. Rotko originaldorbim i pasauļslovonuo muokslinīka Edvarda Munka originalgleznuojumu “Advokāta Ludviga Meijera portrets” tikai par 3 eiro, vysa Rotko centra apmekliejums – 4,50 eiro.

Rotko centrā nu 4. maja apsaveramuos maineiguos izstuodis:

• Ērina Loulora (Erin Lawlor) (Lelbritaneja) personalizstuode  “Onomatopoēze”;
• Latgolys regiona muokslys konkursa izstuode “Tukšuma un klusuma formas”;
• Ričards Dennijs (Richard Denny) (Australeja) “Klusuma ēra”;
• Linda Zīvere (Dāneja/Latveja) “Klusumā”;
• Sanri “Komunikācija ir atslēga”;
• “X: Kritiskā robeža – Černobiļa 30” (Lītova);
• Biruta Delle “Citadelle”

Junī akcejis cenys tiks pīmāruotys ari Muokslys nakts nūrisis laikā – 9. junī 22.00-02.00, kai ari Leigū svātkūs – 23. junī.