“Pi myusim Latgolā” viestej par svātceļuojumim iz Aglyunu

Portals lakuga.lv 14. Augusts, 2017. gods Comments Off on “Pi myusim Latgolā” viestej par svātceļuojumim iz Aglyunu

Augusts ir tys mieness, kod svātcelinīki māroj naskaitamus kilometrus nu molu molu, kab 14. i 15. augustā kūpeiguos lyugšonuos īskandynuotu Aglyunys Baziliku. Raidejuma “Pi myusim Latgolā” veiduotuoji sasatyka ar Renāti Igauni, kura jau ilgus godus sevi var saukt par svātcelineicu, i prāvestu Rinaldu Stankeviču, kab dazynuotu, kaida tod ir svātceļuojuma patīsuo byuteiba.

Renāte Igaune ir svātceļuotuoja ar stažu, kura jau 19. godu līk ceļa sūmu i aun kuojis, kab dūtūs svātceļuojumā nu Rēzeknis Suopu Dīvmuotis Rūmys katuoļu bazneicys iz Aglyunu. Renāte stuosta, ka suokumā juos daleiba svātceļuojumūs bejuse interesis deļ, sovpus niu svātceļojums jai ir loba vareiba izaraut nu kasdīnys rutinys i pabyut divvīntuleibā ar sevi i sovu ticeibu. Taipoš Renāte nūruoda, ka svātceļuojums ir cīši lobs veids, kai puorbaudeit sovu ticeibu.

Viļānu Svātuo Erceņgeļa Mikeļa Rūmys katuoļu draudzis prāvests Rinalds Stankevičs vairs jau ar kuojom iz Aglyunu naīt, nu skaita, ka kotram ir juopīdzeivoj tuos sajiutys, kū dūd svātceļuojums. Prāvests Rinalds Stankevičs stuosta, ka svātceļuojums ir seneja breineiga tradiceja. Jis soka, ka Dīvs svātceļuojuma laikā puorveidoj cylvāku, i prāvestam ir cīši lela prīca, ka vys vaira svātceļuojumūs īt godūs jauni cylvāki.

Komentari slāgti.