“Pi myusim Latgolā” par adventa laika byuteibu i tradicejom

LaKuGa 4. Decembris, 2017. gods 0
“Pi myusim Latgolā” par adventa laika byuteibu i tradicejom

Tyvojūtīs Zīmyssvātkim, raidejuma “Pi myusim Latgolā” veiduotuoji sasatyka ar Rēzeknis katuoļu draudžu dekanu Puovulu Zeili i Daugovpiļs Jezus Sirds draudzis prīsteri Dmitriju Artjomovu, kuri atkluoja adventa laika byuteibu i tradicejis.

Puovuls Zeile nūruoda, ka niu, kod īsastuoj pats tymsys laiks, advents atguodynoj par prīceigū i gaišū. Partū ari adventa vaiņukā dadzam svecis.

Prīsters Dmitrijs Artjomovs nūruoda, ka adventa vaiņuks parosti ir zaļš i opols kai dzeiveibys i goda simbols, partū ka Kristus bārna pīdzimšonu mes gaidam na tik ituos četrys nedelis, bet vysu godu. Jis stuosta, ka ari vaiņuki var byut vysaidi.

Itam laikam nav nūteikti kanonu, kai tod gatavētīs voi rūtuot vaiņuku. Taipat prīsteri atguodynoj, ka advents ir klusais laiks, kod īteicams atsaturēt nu puormiereibu i puoruok lelys jautreibys.