Aicynoj iz akteru atlasi Viestura Kairiša jaunajai kinai “Piļsāta pi upis”

Portals lakuga.lv 5. Janvars, 2018. gods Comments Off on Aicynoj iz akteru atlasi Viestura Kairiša jaunajai kinai “Piļsāta pi upis”

Interesenti vysuos vacuma grupuos aicynuoti pīsadaleit režisora Viestura Kairiša jaunuos kinys “Piļsāta pi upis” akteru atlasē, kas nūtiks 8. janvarī nu 14.00 da 21.00 Rēzeknis Kulturys nomā, Bruoļu Skryndu īlā 3.

Fiļmiešonys process Viestura Kairiša jaunajai kinai “Piļsāta pi upis”  suoksīs jau februara beiguos. Fiļmiešona nūtiks Latgolā (Ludzā, Rēzeknē, Kruoslovā). Kinys scenareja pamatā ir Gunara Janovska romans ar taidu pošu nūsaukumu. Kinys golvonajam varūņam Anšam ir navaineiga profeseja – daiļkruosuotuojs. Jis ir pīpraseits pi vysu režimu – autoritarajā pyrmskara Latvejā, pi komunistu i nacistu. Bet juo sirdi i dvēseli navar īgiut nivīns nu tūs.

Režisors Viesturs Kairišs par tūpūšū kinu soka: “Koč i cik naciļvieceiga byutu viesturis nūtikšonu gaita, cylvākam vysod ir īspieja palikt cylvākam. Vīna nu kinys leluokuom ambicejom ir pastuosteit par tik nabeidzami daudzom viesturiskom nūtikšonom, napuorsavieršūt formalā nūtikšonu kaleidoskopā.”

Komentari slāgti.