Ar koncertu i Mišu gūdynuos Bronislavys Martuževys i Ontona Matvejāna pīmiņu

LaKuGa 14. Majs, 2018. gods 0

Sastdīņ, 2. junī, Rēzeknis nūvoda Drycānūs gūdynuos dzejneicys Bronislavys Martuževys i literata, varganista i školuotuoja Ontons Matvejāma pīmiņu.

“Ontons Matvejāns (1937 – 2008) ar sovim lelim i mozim dzīduotuojim i cytim drycānīšim vairuokys reizis gasteja Lubuonys “Dārziņos” pi Bronislavys Martuževys (1924 – 2012) – atruodeja sacarātuos dzīsmis, duovynuoja sovys gruomotys, kūpā muzicēja, puorrunuoja dzeivis nūtikšonys, natryuka ari jautreibys. B. Martuževa natyka gastejuse pi O. Matvejāna, tikai reiz, Drycānu bazneicā 2006. goda majā garom braucūt, iz breiteņu apsastuoja, pavāruoja, padūmuoja, i piec tam roduos dzejūļs “Dricāni”, publicāts kruojumā “Labā oma”. Nu ir tei reize, kod obim lamts Drycānūs sasatikt. Obejim tyva beja Dīvmuotis gūdynuošona i dzeivuošona Dīvmuotis mīlesteibys gaismā, obim pīmyta styngrs latgaliskais spāks i obi ir īraksteiti iz myužeigu palikšonu Dīva sarokstūs. “Mūzika – mana galvenā slimība,” ir rakstejs O. Matvejāns. “Kad es dziedu – es esmu vesela,” kai pībolsuodoma atsasauc B. Martuževa. “Tēvs debesīs, es neskaitu šo laiku, Lai pildās, kā Tev tīk”, raksteja B.Martuževa,” par pasuokumu soka tuo organizatori.

Pasuokuma programa:

12.30 pīminis šaļts pi Ontona Matvejāna Drycānu kopūs
13.00 Svātais Mišs – aizlyugums par Ontonu Matvejānu Drycānu Sv. apustuļu Simeona i Jūdys Rūmys katuoļu bazneicā
14.15 O. Matvejāna i B. Mārtuževys gūdynuošona Drycānu Kulturys nomā ar dzīsmem, lobim vuordim, kusteigom biļdem i īrokstim nu senejom dīnom.

Pasuokumā pīsadaleis goreigūs dzīšmu ansamblis “Almus” (vadeituojs Jānis Trūps), folklorys kūpa “Krauklēnieši” (vadeituoja Baiba Putniņa), Andris Eriņš, Silvija Laizāne, Bronislavys Martuževys fonds “RAKSTĪTĀJA” (vaļdis prīkšsādātuoja Anna Egliena). Īeja pasuokumā bezmoksys, byus vareiba zīduot Bronislavys Martuževys fonda “RAKSTĪTĀJA” projektam “Broņislavas Martuževas dzejas klēts”.

Portala lakuga.lv karteite.