Festivala „Baltica 2018” latgaliskuos nūtikšonys

Portals lakuga.lv 21. Majs, 2018. gods Comments Off on Festivala „Baltica 2018” latgaliskuos nūtikšonys

Nu 16. leidz 21. juņam nūtiks storptautiskais folklorys festivals „Baltica 2018”. Ituo goda tema ir „Zīdiešona. Juoni”. Festivals nūsarysynoj Latvejis symtgadis programys ītvorūs, gūdojūt tautu tradicionalū kulturu: dzīsmis, instrumentalū muzyku, daņčus, rūtalis, omotnīceibu i tt. Tamā pīsadola ari Latgolys tradicionaluos kulturys kūpieji.

16. junī plkst. 12.00 Reigā nūtiks Teicieju i muzykantu koncerts. Tamā vareis dzierdēt Valentinu Keišu nu Škilbanim i Upeitis etnografiskū ansambli, Aivaru Zeiļuku (Saļnova) i kapelu „Salnavas danču muzikanti”, kai ari cytus salnavīšus – „Sābri” i „Sābrīši”.

17. junī nu 12.00 leidz 17.00 Latvejis Etnografiskajā breivdobys muzejā div plyusmuos varēs īsapazeit ar Latgolys tradicionalū muzyku. Te byus „Rūžupis veiri” (Rūžupe), „Bolta vīšņa” (Drycāni), „Drybyni” (Daugovpiļs nūvods), „Sovvaļnīki” (Ondrupene) etnografiskī ansambli nu Medņevys, Škilbanu, Bozovys, Brīžucīma i cyti dalinīki.

Sovutīs 17. juņa vokorā Jāzepa Vītola Latvejis Muzykys akademejā nūtiks koncerts par gūdu festivala atcerei i viesturei. Te daleibu jims Latgolys folklorys kūpys „Svātra” i „Vecvārkava”.
Festivala nūslāgumā, 21. junī, vosorys saulgrīžus svieteis Latgolā – Dagdā i Viļakys nūvoda Žīguru pogosta estradē. Vysu paaudžu apmaklātuojim byus īspieja jimt daleibu dažaiduos darbneicuos, apgiut vaiņuka veišonys i Juoņu svieteišonys tradicejis, īt rūtaļuos i daņčūs, kūpeigi sagaidūt reita dzīsnu aba saulis ausmu.

 
Vysa festivala programa festivalbaltica.com.

Karteite: lakugys arhivs.

Komentari slāgti.