Nu 24. leidz 26. augustam iz svātkim aicynoj Viļakys nūvoda Upīte. Svātku programā gon sportiskys aktivitatis, gon izklaidis bārnim, gon ari Latvejis Nacionaluo teatra izruode.

24. augustā Styprūs skriejīņs, leidz 23. augustam komanda 4 cylvāku sastuovā juopīsoka pi Andra Slišāna. Sportiskajā aktivitatē sovus spākus varēs puorbaudeit skrīšonā, liekšonā, ruopuošonā, škieršļu jūslā, braukšonā ar sup dielim i peintbolā. Dīnys nūslāgumā byus bals kūpā ar grupu “Unknown Artist”.

25. augustā Bārnu dīna i izklaidis vysai saimei. 12.00 stuņdēs Dirty Deal Teatro izruode “Kā saule gadījās”, piečuok radūšuos darbneicys, pīpyušamuos atrakcejis, vokorā – Nakts traseite.

26. augustā svātku izskaņā Latvejis Nacionaluo teatra izruode “ART”. Komedejis aprokstā saceits: “Draudzeiba. Mīlesteiba. Humors. Muoksla. Smolka, cylvāku pietejūša luga par treis draugu attīceibom ar muokslu, sīvītem i cytam ar cytu, kurā piec ilguoka puortraukuma kai draugi sasateik treis kursabīdri –Ainārs Ančevskis, Mārtiņš Egliens i Egils Melbārdis.”