Sakstagolā nūtiks Trasunu dzymtys saīts

Portals lakuga.lv 9. Oktobris, 2018. gods 0

Rokstu sagataveja: portals lakuga.lv

Sastdiņ, 13. oktobrī, 14 stuņdēs Fraņča Trasuna muzejā “Kolnasāta” Rēzeknis nūvoda Sakstagolā nūtiks Trasunu dzymtys saīts, līcynoj muzeja facebook.com kontā publicātuo informaceja.

Iz pasuokumu aicynoj Trasunu dzymtai pīdereigūs, lobus sābrus, draugus, dzymtys pietnīkus i interesentus, kab pabyutu kūpā, izzynuotu vaira par dzymtu i pošim, dolūtīs atmiņu stuostejumūs, kūpeigi dzīžūt. Leidza aicynoj jimt fotografejis, atmiņu stuostus, pīdzeivuojumus, dzymtai svareigu nūtykumu ci varbyut vaicuojumu, kuru lobpruot izzynuotu kūpeigajā saīšonā.

Pasuokumā uzastuos folklorys kūpa “Kolnasāta”, Sakstagola teatra draugu kūpa ar F. Trasuna fabulu īstudiejumim, kai ari gasteis kors nu Ruguoju.

Zynomuokais nu Trasunu dzymtys ir bazneickungs, politikis, kulturys i sabīdriskais darbinīks Fraņcs Trasuns, kuram ir lela nūzeime Latvejis vaļsts izveidē.


Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.