Kolombo tehnika*? Niu zynom!

19. oktobrī Reigys Tehniskajā universitatē nūtyka ūtruo lekceja bīdreibys „Latgolys Studentu centrs” izsuoktajā lekceju – pīredzis stuostu cyklā, kura laikā ar sovu pīredzi i zynuošonom ar interesentim pasadola kaids latgalīts. Itymā reizē lekceju „Runys muoksla” vadeja ELVI zeimūla sabīdriskūs attīceibu vadeituoja Vineta Grigāne-Drande.

Pusūtru stuņdi garajā lekcejā interesentim beja īspieja izzynuot, saprast i likt aiz auss dažaidus padūmus i knifeņus, ar kuru paleidzeibu sagataveit interesantu prezentaceji i veiksmeigi uzastuot auditorejis prīškā.

Golvanais padūms, kū vysod vādzātu jimt vārā, ka kotrā uzastuošanuos reizē ir juopīmiņ treis aspekti:

  • Kū gribi rozstuosteit Tu kai runuotuojs, kaids ir Tovs mierkis
  • Kū gryb dzierdēt, kaids ir klauseituoja mierkis
  • I kū gryb dzirdēt pasyuteituojs (tys, deļ kuo ir uzastuošona – škola, dorbs itt.), kaidi ir juo mierki

Vysod ari juopatur pruotā, ka piec īspiejis leluoka sasagataveišona, auditorejis i vītys izzynuošona pyrma runys, uzastuošanuos laikā īs viņ par lobu!

Leluokais īgivums nu lekcejis beja na viņ teoretiskuos zynuošonys, bet taišni dažaidi praktiski padūmi i Vinetys spilgtī pīmāri nu pošys dzeivis.

Kai vakar izzynuojom, tod nu kotrys uzastuošanuos 80 % informacejis cylvāks parosti aizmierst, deļ tuo svareiguokūs 20 % asam pataupiejušs beigom:

LgSC soka lelu paļdis obu oktobra pīredzis stuostu-lekceju apmaklātuojim i vadeituojim! Turpynuojums nūteikti byus, nu tok jau 2011. godā. Vēļ ir daudz veiksmeigu latgalīšu, kas naatsaceitu pasadalēt ar sovu pīredzi!

Edeite

LgSC Reigys biroja vadeituoja

* Kolombo tehnika – eipašs pajiemīņs uzmaneibys dasaisteišonai auditorejā

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]