Latgalīša pādi Krīvejis plašumūs

Juņa suokumā “Latgolys Studentu centrs” Reigā atkluoja jaunu tematiskūs pasuocīņu sereju – sarunys ar latgalīšu pasauļa apceļuotuojim “Latgalīša pādi pasaulī”. Pyrmajā tematiskajā vokorā par sovu pīredzi dzeivojūt uorpus Latvejis pasadaleja divi fizmati i LgSC bīdri Laura i Guntis, ar kuru paleidzeibu klauseituoji varieja aizceļuot iz Vuoceju i Kazahstanu, bet ūtrā reizē septembra beiguos kūpā ar Vitu i Ilzi devomīs iz Balkanim – ar stopim iz Bosneju i Hercegovinu.

23. novembrī ceļuosim otkon! Ar Maritys i Valdemāra stuostim dūsimīs ekspedicejuos i raudzeisim izzynuot vaira par latgalīšu pādim Krīvejā:

  • Marita vess iz Krasnojarskys nūvodu, Ačinskys i Bogotolys mīstim i apleicīni. Ekspedicejis mierkis – nu breiva pruota iz Sibireju aizbraukušūs latgalīšu piecteču meklejumi.

  • Valdemārs stuosteis par Krīvejis Eiropys zīmeļaustrumu daļu, kur Latvejis geologi veica paleontologiskūs izrokumus Ižmys upis lobajā krostā preteimā Sosnogorskas piļsātai i juo “pādu” mierkis byus drupeit vaira īpazeistynuota ar latvīšu zynuotnīku – paleontologu aktivitatem uorpus Latvejis rūbežom.

Taitod – 23. novembrī 18:00, Reigā, Tonis birojā drupeit zynuotnisks ceļuojums Krīvejis plašumūs!

Print Friendly, PDF & Email

Nūtikšonu kalendars

Sep
30
Sai
10:00 Latgalīši Reigā brauc @ Latvejis Etnografiskais breivdobys muzejs
Latgalīši Reigā brauc @ Latvejis Etnografiskais breivdobys muzejs
Sep 30 @ 10:00 – 17:00
Latgalīši Reigā brauc @ Latvejis Etnografiskais breivdobys muzejs
15:00 Aijis Rimšys pīminis koncerts “Z... @ Latgolys viestnīceiba "Gors"
Aijis Rimšys pīminis koncerts “Z... @ Latgolys viestnīceiba "Gors"
Sep 30 @ 15:00 – 17:00
Latgolys rūženis, dzīduotuojis i dzīšmu autoris Aijis Rimšys myusu vydā nav jau ostoņpadsmyt godu, tok juos dzīsmis dzeivoj i skaņ. Desmit muzykalajūs godūs – deveni dzīšmu albumi! Taids ir montuojums, kurū mums pamatuse Aija Rimša,[...]