Itys gods latgalīšim sovā ziņā paguojs puorsoku zeimē – bīdreiba “Latgolys Producentu Grupa” izdevuse latgalīšu puorsokys audio versejā (vaira var puorskaiteit ite: http://www.latgale.lv/lg/news/article?id=4140), bet “Latgolys Studentu centrs” ir tyvai mierķa – gruomotys “Puosokys par krīzi” izdūšonai.

Cikom teik gaideita gruomota, LgSC pīduovoj konkursu, kurā bolvys duovynoj LPG.

Leidz 21. decembrim atbiļdi pareizi iz vaicuojumim i sajam disku “Latgalīšu puosokys i puorsokys”!

Pareizuos atbiļdis (pīmāram, 1-C, 2-A i.t.t.) syuti iz e-postu: ortografeja@gmail.com ar nūruodi “Puorsoku konkurss”.

Rezultati 23. decembrī!

1. Kurs nu nūsauktajim Latgolā zinomajim kuļturys aktivistim nav pīsadalejs puorsoku īrunuošonā albumā “Latgalīšu puosokys i puorsokys”?

a) Līga Rundāne

b) Ingars Gusāns

c) Ilmārs Dreļs

2. Cik puorsokys īkļautys albumā?

a) 28

b) 30

c) 31

3. Puorsoku albuma muzykalū fona nūformiejumu taisejs i vairuokys puorsokys īrunuojs muzikis i aktiers Kristaps Rasims. Kurā Latvejis teatrī jis dorbojas?

a) Dailis teatrī

b) Daugovpiļs teatrī

c) Latvejis Nacionalajā teatrī

4. Kaidā nu puorsokom, kab pasasorguotu nu kača nogim, pelis izdūmuoja, ka:

a) syudzēsīs Dīvam

b) nūzogs kača breiveibys gruomotu

c) dasīs kačam pi astis zvaneņu

5. Kaidā popularā latvīšu kinā golvonū lūmu spēliejs vīns nu puorsoku īrunuotuojim Andris Rudzinskis?

a) Eisa pavuiceiba mīlesteibā

b) Cylvāka bārns

c) Rūdolfa montuojums

Taipat informejam, ka tyvuokuo īspieja puorsokys dzierdēt kluotīnē ir 18. decembrī 12:00 Kruoslovā, bet reidzinīkim disku īspiejams īsaguoduot ari LgSC Reigys birojā (http://lgsc.lv/kontakti/reiga/).