Sveicīni nu Rēzeknis

Vasali, meilī bīdri i draugi!

Lai gon decembris skaituos tīkais mieness, Adventa laiks, kas juoveļtei deļ seva, deļ dūmom, puordūmom, ir saguojs, ka tīši itys laiks studentim, Latgolys Studentu centra bīdrim i draugim ir nūtykumim i pasuokumim boguots, ka pat nav laika, acasiest i par tū pīraksteit.

Šudiņ ar cytim Rēzeknis Augstškolys (RA) studentim bejom labdareibys akcejis ītvorūs „Students palīdz bēram” akcejis nūslāguma pasuokumā Rogovkys vydsškolā. Prīks, ka varējom i nu LgSC Rogovkys vydsškolys škoļnīkim nūzīduot latgalīšu gruomotys i cytys nalelys duovanenis! Pasuokuma laikā beja dzīsmis, danči, pateikama atmosfera. Vaira par šytū pasuokumu drūši, ka vareis izskateit RA sātys lopā ru.lv pi jaunumu.

Tai kai latgalīšim ir svareigys arī saimis vierteibys, jaunuo paaudze. Sasadorbojūt ar RA asom sareikavuš, seminaru jaunajom i tūpūšajom mamom „Studente māmiņas lomā”. Kuram Rēzekne, nav cīši tuoli i interesei itys seminars, drūši varit nuokt, byus pateikama atmosfera, nūdereigys lekcejis i sarunys. Vaira informacejis var atrast ite: http://www.ru.lv/index.php?lang=lv&p=8&pnews=read&id_type=&id=1168

Tod veļ nu pasuokumim: šytuo goda 16.decembrī Rēzeknis piļsātys Kuļturys nomā nūtiks pyrmssvātku i Lobdareibys akcejis nūslāguma pasuokums.
Pasuokuma pirmajā dalī nu 18.00 nūtiks lobdareibai veļteits koncerts, kurā pīsadaleis: RA danču kūpa „Dziga”, jauktais kūrs „Sonitum”, Juoņa Ivanova Rēzeknis muzykys vidškolys škoļnīki, folklorys draugu kūpa „Vīteri”, muzykalais teatris „Baltie lāči” i cyti.
Pasuokuma laikā, apmaklātuojus sagaida dažaidi puorsteigumi nu pasuokuma atbalsteituojim: DnB NORD Bankys, apdrūšynuošonys akceju sabīdreibys „Baltikums”, veseleibys studejys „Freija Beauty”, Latgolys Radejys, bīdreibys „Latgolys Studentu centrs”. Taipoš pasuokuma laikā, varēs atbaļsteit RA studentus, kurym vysvaira vajadzeigs paleiga.
Pasuokuma ūtramā dalī – 22.00 byus bals kūpā ar grupu „Pīrāgi”.
Tai ka caturtdin aicynuoti iz Rēzekni! Ā, i tamā pat dīnā pyrms lobdareibys koncerta festivālu parkā 16.00- Zīmys svātku egles īdegšona!

Paļdis tim, kas vakar reikova, sarunova, saorganizieja i uzastuoja La-La-Dra pasuokumā Berkenlī! Tys tik tīšam beja i ir cīši syrsneigs i pateikams nūtykums! Paļdis!

Nu tys puors vuordūs nu maņa pagaidom vyss, planavojam saraksteit koč kod da jaunuo gods tuodu leluoku rakstenu i daliksim bildes. Pastuosteit par vysu tū, kū mes asom pa šytū laiku, dorbojūtīs studentu centrā sadarejuš, sajutuš i sadūmovuš. Saceit pateišom ir daudzi kū, bet otkoņ moz laika saraksteit, veļ vaira deļ tam, ka studentim itys ir saspringts studeju laiks. Mes ari taipoš, kuo vysi kuorteigi studenti vuicomēs divys raizis godā- pyrms sesejis! Vielejam vysim izbaudeit adventa, gaideišonys i studeišonys laiku!

Ar sveicīnim –

Dagneja i Rēzeknis LgSC bīdri i draugi.

Kalenders

May
16
Pīk
15:00 Izstuodis “Daugavpils telpā, lai... @ Latgolys Centraluo biblioteka
Izstuodis “Daugavpils telpā, lai... @ Latgolys Centraluo biblioteka
May 16 @ 15:00 – 16:30
16. majā 15.00 stuņdēs Latgolys Centralajā bibliotekā (Reigys īlā 22a, Daugovpilī) Nūzaru literaturys sektorā sevkurs interesents teik aicynuots iz izstuodis “Daugavpils telpā, laikā un dziesmā” atkluošonu. Izstuode veļteita piļsātai i dzīsmei – Daugovpilei, kas itūgod[...]
16:00 13. Storptautyskuo keramikys muo... @ Rotko muzejs
13. Storptautyskuo keramikys muo... @ Rotko muzejs
May 16 @ 16:00 – 17:30
13. Storptautyskajā keramikys muokslys simpozejā pīsadola pīcpadsmit muokslinīku nu septeņu vaļstu: Viktorija Maroti (Viktória Maróti, Ungareja), Brita Dīrnesa (Brit Dyrnes) i Eivinns Solli (Eyvind Solli, Norvegeja), Teodora Cirakoglu (Theodora Tsirakoglou, Grīkeja), Narankhū Sukhburens (Narankhuu Sukhburen,[...]
May
17
Sai
all-day Anatolija Zelča izstuode “61. ki... @ Latgolys Kulturviesturis muzejs
Anatolija Zelča izstuode “61. ki... @ Latgolys Kulturviesturis muzejs
May 17 all-day
Gleznuotuojs, Latvejis Muokslys akademejis Latgolys filialis docents Anatolijs Zelčs rodūšajā darbeibā puorsvorā zynoms kai portreta i figuraluos gleznīceibys žanra puorstuovs, realismu savynūt ar robustu materialitati, smolku detalizaceju i sarkastisku ironeju. Tok itūreiz izstuodē “61. kilometrs”[...]