Dzymtuos volūdys dīnā aicynoj atguoduot šyupeļdzīsmes

Itūgod, atzeimejūt Starptautiskū dzymtuos volūdys dīnu 21.febralī, UNESCO Latvejis Nacionaluo komiseja aicynoj eipaši pīvērst uzmaneibu šyupeļdzīsmem dzymtajā volūdā.

Dzymtuos volūdys dīna piec UNESCO aicynuojuma teik atzeimāta jau 11 godus iz vysa pasauļa. Tai veļteitū pasuokumu mierkis ir pīvērst uzmaneibu volūdu i kulturu daudzveideibai i sekmēt dzymtuos volūdys lītuošonu, kai ari vairuot apziņu, ka dzymtuo volūda ir pamats dzilis i daudzpuseigys personeibys atteisteibai.

Itūgod, atzeimejūt Starptautiskū dzymtuos volūdys dīnu, kotrs teik aicynuots pīvērst uzmaneibu tam, ka dzymtuo volūda pasaruoda na tikai mutvuordu formā voi rokstūs – stuostūs, dzejā voi puorsokuos –, bet ari dzīsmēs.

„Dzīsme ir volūdys nesiejs i sabīdreibys vīnuotuojs, cauri paaudzem, atstuojūt montuojumu myusu sirdī i pruotā. Atguoduosim šyupeļdzīsmes, kū myusim dzīdovuse mama voi baba. Lai ar kaidā volūdā dzīsme teik dzīduota, golvonais ir miīesteiba, kas tymā īlykta i teik dūta tuos klauseituojam. Deļ tuo UNESCO LNK 2011. godā Starptautiskajai dzymtuos volūdys dīnai veļteitajūs pasuokumūs kotrā školā, bārnu duorzā, interešu puļceņā, organizacejā aicynoj atguoduot – šyupeļdzīsmes dzymtajā volūdā,” stuosta UNESCO LNK generalsekretare Dagnija Baltiņa.

UNESCO LNK aicynoj kotru – školānus, studentus, interešu puļceņus, navaļstiskuos organizacejis i cytus interesentus – īsasaisteit ar idejom i projektim Starptautiskuos dzymtuos volūdys dīnys atzeimiešonā i sovys dzymtuos volūdys populariziešonā.

Vairuok informacejis var atrast UNESCO škārsteikla sātys lopā – www.unesco.org voi pa t.: + 371 67325109 i e-postu office(at)unesco(dot)lv

Informaceji sagataveja:
Madara Kāne
UNESCO LNK projektu koordinatore
Tālr. + 371 67325109
E-posts: madara@unesco.lv

Komentari

Kalenders

May
16
Pīk
15:00 Izstuodis “Daugavpils telpā, lai... @ Latgolys Centraluo biblioteka
Izstuodis “Daugavpils telpā, lai... @ Latgolys Centraluo biblioteka
May 16 @ 15:00 – 16:30
16. majā 15.00 stuņdēs Latgolys Centralajā bibliotekā (Reigys īlā 22a, Daugovpilī) Nūzaru literaturys sektorā sevkurs interesents teik aicynuots iz izstuodis “Daugavpils telpā, laikā un dziesmā” atkluošonu. Izstuode veļteita piļsātai i dzīsmei – Daugovpilei, kas itūgod[...]
16:00 13. Storptautyskuo keramikys muo... @ Rotko muzejs
13. Storptautyskuo keramikys muo... @ Rotko muzejs
May 16 @ 16:00 – 17:30
13. Storptautyskajā keramikys muokslys simpozejā pīsadola pīcpadsmit muokslinīku nu septeņu vaļstu: Viktorija Maroti (Viktória Maróti, Ungareja), Brita Dīrnesa (Brit Dyrnes) i Eivinns Solli (Eyvind Solli, Norvegeja), Teodora Cirakoglu (Theodora Tsirakoglou, Grīkeja), Narankhū Sukhburens (Narankhuu Sukhburen,[...]
May
17
Sai
all-day Anatolija Zelča izstuode “61. ki... @ Latgolys Kulturviesturis muzejs
Anatolija Zelča izstuode “61. ki... @ Latgolys Kulturviesturis muzejs
May 17 all-day
Gleznuotuojs, Latvejis Muokslys akademejis Latgolys filialis docents Anatolijs Zelčs rodūšajā darbeibā puorsvorā zynoms kai portreta i figuraluos gleznīceibys žanra puorstuovs, realismu savynūt ar robustu materialitati, smolku detalizaceju i sarkastisku ironeju. Tok itūreiz izstuodē “61. kilometrs”[...]