25.martā Upītie nūrysynovuos Kūkovas nūvoda bārnu i jaunīšu folkloras svātki “Vuru, vuru putrini…”, kas beja atlases sareikojums Kūkovas nūvodā pyrms festivala “Pulkā eimu, pulkā teku”.

Svātki beja jauki, nūrysynovuos treiz dalies.

1) Upītes pamatškolā bārni i jaunīši apgiva vusuodas prasmes pi meistarīm, pīmāram, prīžu skolu grūzu peišona, muola pūdu veiduošona, kukaiņu taisiešona nu vusuodīm materiālīm, Lyldīnu ūlu taisiešona nu dabas materiālīm

2) Svātku koncerts, dzīsmes, danči i rūtaļas turpynovuos Upītes TN. Pi myusīm sabrauca daud gostu: Upītes jaunīšu folkloras kūpa “Upīte”, Upītes bārnu folkloras kūpa, Rekovas vydusškolas bārnu fokloras kūpa, Nirzas folkloras kūpa “Spryguļi”, Brīžucīma bārnu i jaunīšu folkloras kūpa “Soldanī”, Tilžas vydušskolas bārnu folkloras kūpa, Riezeknes folkloras kūpa “Vīteri” i pi myusīm beja atnuokušas cīmūs Upītes etnografiskuo ansambļa sīvas. Vusi doncova, dzīdova i rūtaļovuos, a suokumā, kuo jov svātku nūsaukums izguojam rūtaļu Vuru, vuru putrini, kurā izvuorejam eistu ozbara putru i kotrai kūpai par nūsauktīm lobīm dorbīm īdevem  bļūdu ar putru.

3) piec svinīguo koncrta suokuos trešuo dale, kur nivīns napalyka siediedams molā, jū folkloras kūpa “Vīteri” vusus īvylka danču stundie!

Lyls prīks par isadevušejīm svātkīm, kurus apmekleja vaira kuo 130 cylvaki.

I paļdīs juosoka: Valsts Kulturkapitala fondam i Viļakas nūvoda dūmei par finansiālū atbolstu.

Upītes TN vadietojs Andris Slišāns