LgSC Rēzeknis jaunīši par studejom, draugim, Pasauļa golu

Juopībolsoj  parunai, ka studenti ir jautri cylvāki! Pa vydu lekcejom, praksem,  i ikdīnys lītom, saīt kūpā, jam i safiļmei jautru studentu video!

Dūmys aizsuoceji i darbeibys dziniejspāks ir bīdreibys „Latgolys Studentu centrs” Rēzeknis nūdalis darbeigī bīdri i draugi, pīsaistūt cytus Rēzeknis Augstškolys (RA) studentus.

Video fonā skaņ latgalīšu rokgrupys „Bez PVN” dzīsme „Vysagols”. Golvonuo video dūma ir paruodeit, ka studejis nav tikai gruomotu kolni i lekcejis, bet ari draugi, sarunys, inceresny nūtykumi, bali. LgSC Rēzeknis biroja i RA jaunīši ir cīši draudzeigi i vīnuoti vysaiduos izdareibuos i, ka byutu Pasauļa gols, jī tū sagaideitu kūpā.

Tai kai lip-dup video namontei, bet fiļmei vysu iz raizis nu suoku da gola, fiļmeišonys laikā studentim vyss ir juoizdora kai planavuots, ka vins kū sajauc vyss juosuok nu jauna. Pi video tyka struoduots vaira dīnys, i tī ir īsaisteiti apmāram 30 jaunīši. Tai kai video ir nanūpīnts, vyss fiļmeišonys laiks beja kai izklaide, sovys „aktieram muokslys” puorbaudeišona, byušona kūpā ar sovejajim.

Guodoju, ka pasaulis gols tik dreiži naatīs, i paspiesim izdareit veļ vysaidys lītys. LELAIS PAĻDIS par dzīsmi grupai „Bez PVN” i RA studentam Kristapam Kalabanovam par fiļmeišonu. Paļdis vysim, kas pīsadaleja fiļmeišonā i tim, kas beja aiz kadra.

Ar saulainim sveicīnim-

Dagneja

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]