dūmu pylni pogolmi / majs

Es nazynu, kō man dzeivī tryukst
Veiksmis voi speiteibys…

Nūsveiduši tauriņi smaržoj pēc ķiršzīdu svīdrim. Man dūmys šudiņ otkol aizļidoj tōli prūjom. Voi nu iz Rītumim voi ari nōkūtnī. Jōs nūsaenkuroj vizbuļeišu okeanā. Ilgys pēc zilim dabasim. Kur putnim izaicynōjums ir kosmoss. Tik tyvai i tik tōli.
Mes sastykom. Jō tu uzskrieji iz siekļa. Zilū vizbuļeišu okeans atspeidēja tev acīs i es tev nūticēju. Es tycu jūprūjom. Mums vajadzēja sasatikt. Mes atrodom harmoniju. Mes gondreiž saplyudem. Es tevi ilgi vairs naredzēju. Bet munas lyupas tevi jyut jūprūjom. Munys auss tevi dzierd jūprūjom. Es varātu tevi satausteit jūprūjom. Tovu plaukstu man motūs. Kas līk nūtierpt smadzeņom. Tyukstūš dūmu tod izskrīn caur prōtu. Vysys par tevi. Jūprūjom par tevi.
Es grybātu naspēt aizbēgt nu tevis. Tu mani satvertu. Maigi, bet stipri, un cīši sev klōt. Kai tūreiz. Izjusti.
Vizbuleitis nūzīdējušis. Okeans lānom iztvaikoj. Globalō sasiļšona. Es vēļ dūmoju par tevi. Nūmūda sapņi. Nūsveiduši tauriņi smaržoj pēc ķiršzīdu svīdrim.
Vokors tyvojās, bet ānu vēļ nav. Tikai vosorys syuteita tveice. Sajamu postu. Tovu jaukū dzīsmu, kuru tu spēlej tik patīss, naaizsorgōts un lobs. Es smaidūt aizmīgu. Ar otkol nūtierpušom smadzeņom, ar tyukstūš dūmom par tevi. Jūprūjom par tevi…

Print Friendly, PDF & Email

Komentari

Kalenders

Mar
2
Sai
18:00 Latgalīšu kulturys goda bolva “B... @ Latgolys viestnīceiba "Gors"
Latgalīšu kulturys goda bolva “B... @ Latgolys viestnīceiba "Gors"
Mar 2 @ 18:00 – 20:30
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]
21:15 Latgalīšu kulturys goda bolva “B... @ LTV1
Latgalīšu kulturys goda bolva “B... @ LTV1
Mar 2 @ 21:15 – 23:15
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]