Jau drupeit vaira kai godu “Latgolys Studentu centrs” dorbojuos kai starpnīks storp latgalīšu gruomotom i skaiteituojim, paleidzūt latgalīšu literaturys izdevieju gruomotom atrast skaiteituojus, bet skaiteituojim taišni tū gruomotu latgaliski, kas seņ maklāta, īkrytuse acīs ci kai cytaiž uzrunuojuse.

Tyvuokī datumi, kur varēs satikt LgSC i latgalīšu gruomotu i muzykys īrokstu goldu:

9. juļs – VEF rajons Reigā. Bejušuos ryupneicys VEF teritorejā pi VEF muokslys centra Ūnejis īlā 8, 7. korpusā nūtyks VEF Vierteigū Krāmu tierdzeņš, kurymā LgSC pīsadaleis ar rešim i saleidzynūšai seņ izdūtim latgalīšu gruomotu eksemplarim.

15.-16. juļs – Rēzeknis Nūvoda svātki

16. juļs – muzykys festivalā “Muzykys Skrytuļs”, Leiksnā, Daugovpiļs nūvodā
12. augustā – Preiļūs, Čikāgys pīceišu koncerta laikā

13. – 15. augustā – Aglyunā

Kalenders vēļ tiks papyldynuots.

Literaturys, eipaši latgalīšu, izdūšonai pošu reizi īt kai naīt, deļ tuo kotra nūpierktuo gruomota ir vīns sūļs tyvuok jaunu gruomotu izdūšonai.

Aicynuojums LgSC aktivistim i cytim interesentim – itymūs datumūs i cytuos reizēs myusim vāga ari Tova paleiga gruomotu goldā. Ka esi īinteresāts i vari paleidzēt (pīmāram, apmeklej pasuocīni i puora stuņdis asi gotovs paleidzēt pi gruomotu), ej tolkā, padūdūd myusim viesti iz lgsc@lgsc.lv (nūruodūt laiku i vītu, kod vari byut paleigs). Pateiceiba nu LgSC Tev byus myužeigi myužūs!