Grupys “Stage ON” i Laurys Bicānis koncerts

17. novembrī 21:00 vīsneicā “Park Hotel Latgola” restoranā “Plaza” paradzāts Daugpiļs nūvoda vokaluos grupys “Stage ON” koncerts, kurymā kai eipašais gosts pīsadaleis ari Laura Bicāne (interveja ar Lauru LaKuGā).

“Stage ON” repertuars vysod atsaškir ar muzykalū i emocionalū izastuošonu i dyžan lelu energeju iz skatuvis.

Itūreiz meitinis klauseituojim pīduovuos sovu jaunū programu, dzīžūt kompozicejis kantri stylā, kas ir vīns nu Zīmeļamerikys tautys muzykys stilim. Kantri apvīnoj divys dažaidys amerikaņu folklorys – īceļuotuoju, kuri īsaroda Amerikā 17.-18. godu symtā, muzyku i Mežūneigūs Rītumu kovboju baladis. Ituo styla golvonī muzykys instrumenti ir gitara, bandžo i vijūle. Šudiņdīnys pasuocīnī tiks izpiļdeitys taidu slavanu kantri dzīduotuoju i grupu dzīsmis kai REDNEX, Gretchen Wilson, Sugarland, Blondies,the Corrs, Alan Jacson i.c.

Pasuocīnī eipašais gosts byus jaunuo Daugpiļs muokslineica Laura Bicāne. Jei izpiļdeis gon vysim labi zynomys kompozicejis, kai ari pošys sacarātys dzīsmis.

Vaira par pasuocīni skaiti ITE

.

Laura Bicāne “Freakin’ out” Eirodzīsmē 2012



Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.