Kū kolekcionej latgalīši?

Drūši viņ sevkurs nu myusu koč kū ir kolekcioniejs. Bierneibā kampatu papeireiši, kalendereiši, markys, nūzeimeitis, plakati i vēļ vysaidi seikumi beja īrosta līta kolekcejuos, nu tik rešajam kolekcejis kliust par nūpītnu aizaraušonu. Kū kolekcionej latgalīši? Vysa kū! Tuoļuok drupeit vaira par trejom kolekcejom.

Leidz novembra beigom publiskai apskatei apsaveramys divejis kolekcejis: Pleskavys īdzeivuotuojim Krīvejā ir vareiba īsapazeit ar ābeču kolekcionara Jura Cybuļa ābecem, bet Rēzeknē Latgolys Kulturviesturis muzejā ar Santys Ulnicānis kampatu “Gūteņa” etikešu daudzveideibu.

Jurs Cybuļs i ābecis

Cybuļa ābeču izstuode jau apceļuojuse na viņ Latvejis piļsātys i cīmus, bet atruodeita ari uorpus vaļsts rūbežom. Pošu reizi Jura Cybuļa kolekcejā ir ap 7300 ābecem 948 volūduos nu 208 pasauļa vaļstim. Kai soka kolekcionars – jis nakolekcionej viņ ābecis, bet ari volūdys – tuos var īsavuiceit taišni nu ābecem. Bierneibā Cybuļs nabeja dūmuojs kolekcionēt ābecis, bet aizaruovs ar postmarku i kampatu papeireišu kolekcioniešonu, interess par ābecem pasaruodejs viņ studenta godūs. Kolekcionars ari pots ir ābecis autors – sagataviejs cylvāka pyrmū gruomotu latgalīšu volūdā.

Video sižets par Jura Cibuļa gruomotu izstuodi Rēzeknē goda suokumā

.

Santa Ulnicāne i “Gūteņa”

Latgolys Kulturviesturis muzejs bārnim i školānim pīduovoj īspieju pīsadaleit muzejpedagogiskajā programmā “Vyss par pīnu”, kur sūpluok īsapazeišonai ar etnografiskim saimisteibys traukim, informaceju par pīnu, tuo īgiušonu, puorstuodi i veseleigumu, var apsavērt ari kampatu “Gūteņa” papeireišus nu viļānītis Santys Ulnicānis kolekcejis. Muzejā var apsavērt ap 300 papeireišus nu vaira kai 1000 etikešu leluos kolekcejis. Santa sovu kolekceju izsuokuse kruot apmāram pyrma 25 godim i mierktīceigi turpynoj vēļ arviņ, vuocūt gon Latvejis, gon uorvalstu rožuotuoju “Gūteņu” papeireišus. Vaira par juos kolekceju i papeireišim var apsavērt: http://konfektegotina.blogspot.com

.

Saļdiejums Zudušajā Latvejā

Vosorā sovpateiga sadarbeiba izaveiduoja storp viļuonīti Ilzi Spergu i Latvejis Nacionalū biblioteku (LNB). Ilze bibliotekai atduovynuoja sovu 90. godūs savuoktū saļdiejuma papeireišu kolekceju. Kolekcejā treju godu laikā savuokti ap 100 etikešu i tei ir sova veida līceiba par saļdiejuma ceļu Viļānūs – kaids saļdiejums iz tīni pīguoduots. Pasasokūt duovynuojumam, ar saļdiejuma etiketem var īsapazeit LNB projektā “Zudusī Latvija” sevkurs interesents.

Meiļupruot izzynuotu, kū i kai vēļ kolekcionej Latgolys ļauds!
Ka ir kū stuosteit, roksti iz info@lakuga.lv

Print Friendly, PDF & Email

Komentari

Kalenders

Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]