Latgalīšu DOMINO + KONKURSS

Pyrma mieneša Leivuonūs pyrmū reizi tika īmieginuota Latgolai veļteituo spēle “Latgalīšu Domino”.
Tei ir itymā godā ar Vaļsts Kulturkapitala fonda i Latgolys Regionaluos atteisteibys agenturys atbolstu sataiseita spēle, kas atsaskir nu klasiskuo domino.
Spēlis mierkis ir na viņ izklaidēt, nu ari atstuot līceibu par Latgolu kai unikalu Latvejis kulturys sastuovdaļu i latgalīšu volūdu.
Spēlejūt “Latgalīšu Domino” spēlmanim ir īspieja īpazeit 63 vuordus, kuri teik izmontuoti latgalīšu sadzeivē. Biļdeitis iz spēlis kaulenim stilizātā veidā ilustrej Latgolai rakstureiguos ākys, iedīņus, sātys dzeivnīkus, dorbareikus i cytys sadzeivys lītys. Pi kotrys biļdeitis ir atbilstūšī nūsaukumi latgaliski.
Spēlis komplektā ir ari vuordineica, kur kotrs vuords tulkuots ari latvīšu, angļu i vuocu volūdā.

Spēlis dizaina autore ir Anna Orniņa, spēlis idejiskuo leidzautore i projekta vadeituoja – Baiba Altena, ražuotuojs – SIA “Darbnīca A projekti”.
Pagaidom spēlis Latgolā var nūpierkt Jēkabpilī puču veikalā MIMOZA, Leivuonūs – Leivuonu muokslys i amatnīceibys centrā, kai ari asūt Ludzys amatnīceibys centrā. Informaceja par īspiejom īsaguoduot cytur Latvejā (Reigā, Jelgavā, Līpuojā) ITE

Itymā sastdinē 3. decembrī 18:00 Vacreigys zaļajā studejā “pienene” (Kungu īla 7/9, preteimā Pītera bazneica) esi aicynuots iz pyrmū Latvejis kulturviesturei veļteitū Kūkmaizeišu golda spēļu turniru, kurā varēs saspieļuot ar “Latgalīšu DOMINO”. Vaira par turniru skaiti ITE

Kaidam LaKuGa skaiteituojam ir īspieja īgiut spēli.

Pīsadoli KONKURSĀ!

Atbiļdi pareizi iz vaicuojumim.
Pareizū atbiļdi leidz 3. decembrim (īskaitūt) syuti iz info@lakuga.lv i aicynoj tolkā veiksmi!
Rezultati LaKuGā 5. decembrī.

Kaids vuorda skaidrojums latvīšu volūdā atbiļst sekojūšim latgalīšu vuordim, kas īklauti Kūkmaizeišu golda spēlē “Latgalīšu DOMINO”?

1. jobiks
A vīrietis – dendijs
B sens latgaļu galdniecības rīks
C sviestā sautēts pīrādziņš

2. kuorms
A ēka – māja
B kurmja rakums
C kūts

3. skusts
A ķeblis
B trīsstūrains lakats
C pleds

Konkursu atbolsta “Kokmaizītes”.

Latgolys Regionaluos televizejis sižets par “Latgalīšu Domino”


Print Friendly, PDF & Email

Komentari

Nūtikšonu kalendars

Sep
29
Pīk
16:00 Rotko muzeja kruojuma izstuodis ... @ Daugovpiļs Marka Rotko muokslys centrs
Rotko muzeja kruojuma izstuodis ... @ Daugovpiļs Marka Rotko muokslys centrs
Sep 29 @ 16:00 – 17:00
Pīktdiņ, 29. septembrī, 16.00 stuņdēs Daugovpiļs Marka Rotko muokslys centrā, iz prīšku – Rotko muzejā, sūpluok muokslinīka Marka Rotko originalu ekspozicejai tiks atkluota kruojuma izstuode “Nr. 2 [Bez nosaukuma]”. Kruojuma izstuodei izvālāti muokslys dorbi, kas[...]
19:00 Aijis Rimšys pīminis koncerts “Z... @ Latgolys viestnīceiba "Gors"
Aijis Rimšys pīminis koncerts “Z... @ Latgolys viestnīceiba "Gors"
Sep 29 @ 19:00 – 21:00
Latgolys rūženis, dzīduotuojis i dzīšmu autoris Aijis Rimšys myusu vydā nav jau ostoņpadsmyt godu, tok juos dzīsmis dzeivoj i skaņ. Desmit muzykalajūs godūs – deveni dzīšmu albumi! Taids ir montuojums, kurū mums pamatuse Aija Rimša,[...]