Preiļūs svieteis kinys “Cylvāka bārns” 20 godu jubileju

20 godus piec popularuos latgalīšu kinys “Cylvāka bārns” izīšonys iz ekranim, sataiseits koncertuzvadums piec tuos motivim, kuru 9. decembrī Preiļūs izdzeivuos gon kinys režisors, gon golvonais varūņs.

Preiļu Kulturys centrā 9. decembrī 20:00 ar koncertuzvadumu “Cylvāka bārns laika grīžūs. Boņukam 20!” tiks atzeimuota Juoņa Streiča kinys “Cylvāka bārns” 20. godskuorta. Tys byus patīsi latgalisks koncertuzvadums piec “Cylvāka bārna” motivim, akcentejūt Latgolys cylvāka dzeivis ritejumu. Nu kasdīnys dorba gaitom leidz cylvāku sovstarpejom attīceibom, saimei i kūpeigom svātku šaļtim.

“Cylvāka bārnu” piec 20 godim kūpeigi izdzeivuos kinys režisors Juoņs Streičs, golvonais varūņs Andrejs Rudzinskis, latgalīšu muziki i doncuotuoji. Īeja iz pasuocīni – bez moksys. Koncertprogramu īstudejuse Latvejis Kulturys koledžys studente Līva Liepniece, kurai itys pasuocīņs byus ari diplomdorbs.

Kina “Cylvāka bārns” pyrma 20 godim topuse piec Juoņa Klīdzēja romana motivim I itūs godu laikā folklorizejušīs gon kinys teicīni, gon tāli. Ari latgalīsū kulturys goda bolva “Boņuks” nūsaukumā īsadvesmuojuse nu kinys. Ar itū pasuocīni tuo taiseituoji gryb kūpeigi nūkliut kinys golvonuo varūņa – latgalīšu zāna Boņuka laikā ar myusdīnu skatejumu iz pasauļu. Laiks ir proguojs, nu leluokuo vierteiba – cylvāks – nav mainejīs, vys tik meiļoj sovu zemi, cīnej tyvuokūs i tic lobuokai nuokūtnei.

Kina sovā laikā ir īgivuse Latvejis golvonū kino bolvu “Lielais Kristaps”, plyukuse laurus Sanremo starptautiskajā festivalā, kur tai pīškierta Grand Prix (tei ir pyrmuo latvīšu aktīrkina, kas sajāmuse itaidu bolvu). Moskovys kinufestivalā tei īgive skateituoju simpateju bolvu, kina ir sajiemuse ari Vatikana premeju „Beato Angelico per L’Europa” i īgivuse 2. vītu Starptautiskajā Čikagys bārnu kinu festivālā.

Informaceju sagatavejuse: Līva Liepniece

Augustā “Cylvāka bārna” 20 godu svātkus svinēja Rēzeknē – Latgolys Regionaluos televizejis sižets

Fragments nu kinys “Cylvāka bārns”: Kas uotruoks – zyrgs voi mašina?

MART INC. – Cylvāka bārns


Print Friendly, PDF & Email

Kalenders

Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]