Eita, ļauds, apsavērt, kas pa muzeju reibynuoja!

30. novembrī tika attaiseita i leidz 7. janvaram Latgolys Kulturviesturis muzejā (1. stuova zalā, Atbreivuošonys alejā 102, Rēzeknē) byus atvārta tradicionaluo Tautys lītišķuos muokslys Zīmyssvātku izstuode – tierdzeņš, kurymā īspiejams gon apsavērt Rēzeknis apleicīnis omotnīku darynuojumus, gon nūpierkt duovenenis sovim tyvinīkim.

Tradicionali Zīmyssvātku gaideišonys laikā muzejā izstuodē-tierdzeņā vītejī omotnīki pīduovoj sovus meistardorbus i ite ir gon muola i peitī trauki, gon adeiti cymdi, zečis i zuobaceni, tamborāti lokoti i sedzenis, austys leluos sagys i smuolkuos golda sedzenis, gon uodys siksnys i sumcenis, nu jau vairuokus godus ite apsaveramys ari rūtys – itūreiz na viņ tik smolki pierleišu darynuojumi, nu ari lelys i stileigys rūtys nu natradicionalim materialim i vēļ vaira kai 200 dažaidu veidu tautys muokslys darynuojumi.

Ateimit, prīcojatīs i izbaudit kotra omotnīka dorba syltumu!

Izstuode atvārta:

O,T,C,P – 10:00-17:00

S – 10:00-16:00

Sv, P – slāgta

Īejis moksa:

Školānim i studentim Ls 0,20; pīaugušajim Ls 0,40, pyrma školys vacuma bārnim – breiva.

Karteņā: Tautys lītišķuos muokslys Zīmyssvātku izstuode – tierdzeņš, 2011. A.Bondarenko foto.

Sagataveja: Maija Upeniece, LKM sabīdriskūs vaicuojumu i reklamys specialiste

Kalenders

Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
Jul
13
Svā
17:00 Izruode “Mazpiļsāta” @ "Pūt, vējiņi" koncertduorzs
Izruode “Mazpiļsāta” @ "Pūt, vējiņi" koncertduorzs
Jul 13 @ 17:00 – 19:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]