Foto akceja “Garuo trepe”
Reitu sevkuram, kam ir fotoaparats, ir īspieja īsasaistet foto akcejā “Garuo trepe”.
Iz akceju aicynoj fotografs Uldis Balga, sokūt – tī, kas spielejušs kauleņu spēli “Yahtzee” zyna, ka ir taida kombinaceja – “garuo trepe”, kū veidoj 5 kauleni, izkreitūt piec kuortys ryndā 1,2,3,4,5 – tei ir reša kombinaceja.
Itymā godā tyvojuos taida šaļts:
Gods 11
Mieness 12
Dīna 13
Stuņde 14
Minots 15
Deļ tuo, reitu – 13. decembrī 14:15 esi aicynuots fotografēt tū vītu i situaceju, kaidā tymā šaļtī atsarūni! Tovā reiceibā taišni vīns minots!
Sabiļdātuos kartenis syuti iz garatrepe@gmail.com leidz 20. decembram (viestulē vālams mozs komentars par fotografēšonys vītu; kartenis molys maksimalais plotums 1200 pix, failus īsacejums puorsaukt ar sovu vuordu).
LaKuGa aicynoj īmyužynuot, kur i kū ituo goda “garuos trepis” laikā dora Latgolys ļauds i kas nūteik Latgolā!
Karteņa nu LgSC foto konkursa ““Eiropa Latgolā: lobs loba namaitoj” – keramiks Valdis Pauliņš, autors Jurs Viļums,
Komentari