Ceļojūšais latgalīšu gruomotu golds

Ceļojūšais latgalīšu gruomotu golds nav nikaida breinumaina paruodeiba, bet gon bīdreibys “Latgolys Studentu centrs” iniciativa pīduovuot pierciejim dažaiduos Latvejis vītuos īspieji nūpierkt latgalīšu gruomotys i audio īrokstus nu vysaidim latgalīšu literaturys i muzykys izdeviejim, taidā veidā paleidzūt izdeviejim vīgļuok realizēt latgaliskuos precis, kuru vydā laika gaitā ir pasaruodejušs ari dažaidi suveniri, bet interesentim ārtuok nūpierkt latgaliskū literaturu i cytys lītys, kurys kasdīnā tik vīgli i vīnuvītu navar dabuot.

Gruomotu golds dorbojuos jau pusūtru godu i LgSC ar tū ir pīsadalejs dažaidūs gruomotu tiergūs, koncertūs, festivalūs i cytūs pasuocīņūs. Ari ituo goda nūslāgums nav izjāmums i tyvuokā laikā paradzāti izbraukumi iz vairuokom Latvejis vītom.

.

Šudiņ, 14. decembrī nu 18:00 latgalīšu gruomotys byus vareiba nūpierkt Ūgris Kulturys centrā, kur koncerts grupai “Boltī luoči”.

15. decembrī nu 18:00 Cāsu CATA Kulturys nomā, “Boltūs luoču” tūris ītvorūs

16. i 17. decembrī Reigā, Kara muzejā (Pulvertūrnī, Smiļkts īlā 20) – Zīmyssvātku gruomotu tiergā, dorba laiks nu 11 leidz 18.

20. decembrī nu 18:00 KINO RĪGA/Splendid Palace “Boltūs luoču” tūris ītvorūs

Gruomotu goldā ir vareiba tikt ari pi Tāvu zemis kalendera 2012. godam, Olūta Nr. 16, Zīmyssvātku kartenis, kurys var izsyuteit meilajim ar syltim sveicīnim iz svātkim.

Kai ari papyldynuots kinys „Latgolys laikadečs” disku kruojums.

Pasuocīņūs Reigā cīši caram, ka byus īspieja iz svātkim sev izduovynuot ari Raibuo Suņa jaunū gruomotu “Pyrma syltī”.

.

Taipat jaunā godā paradzāta daleiba ari Latvejis Gruomotu izstuodē 2012, Reigys gruomotu svātkūs i cytur, pīduovojūt ari latgalīšu kulturys pasuocīņus, kas tradicionali bejuši ari cytus godus.

Kasdīnā gruomotys i diskus var nūpierkt LgSC birojā Reigā – Antonejis īlā 8-3/6. Birojs atvārts catūrtdīnēs nu 16-19, cytā laikā sasazynojūt ar Latgolys Studentu centru lgsc@lgsc.lv.

.

Karteņa nu LgSC arhiva

Gruomotu, disku i suveniru saroksts, kas nūpārkami pi LgSC
LgSC Gruomotu.cd.Suveniru.saroksts 10.01

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]