Tik vīnu dīnu, 22. decembrī nu 12:00 leidz 18:00 Spīkeru kvartalā nūtyks Reigā pyrmais Latgolys Zīmyssvātku tierdzeņš.

Latgolys vīsmīleiba, eipašys duovonys i lauku gordumi taišni reidzinīkim. Laimeiguo stuņde i pursteigumi vysys dīnys garumā: latgalīšu volūdys kursi, slavani nūvodnīki, folklorys kūpys „Sovvaļnīki” dzīsmis i rūtalis, „Skaistuos Izabellys šovs”.

Tierdzeņā varēs nūbaudeit i nūpierkt Latgolys madu, sīru, maizi, gali, čajus, augļus i duorzeņu, Latgolys sātys veinu, olu i korstveinu.

Byus vareiba vāruot Latgolys omotnīku spieju demonstrejumus – i saguoduot duovonys meilajim – keramiku, pynumus, rūtys, kūka izstruoduojumus, adejumus i tekstilizstruoduojumus.

Gruomotu i muzykys meiļuotuoji sovai i cytu prīcai varēs īsaguoduot ari jaunuokus i seņuokus latgalīšu literaturys izdavumus, latgalīšu muzykys īrokstus i suvenirus ar Latgolys simboliku.

Zīmyssvātku egleitis no Latgolys i eipašī egleišu rūtuojumi – tik tierdzeņa apmaklātuojim. Pierts i profesionalys Latgolys pirtneicys pakolpuojumi taišni Reigys centrā. Ari duovonu īsaiņuošona Latgolys stylā.

Korsti iedīni i dzierdīni nu Spīkeru restoranim, kotram apmaklātuojam – eipaša viereiba nu Latgolys sātys ražuotuojim, mozajim izjāmumim i omotnīkim, Latgolys folklorys kūpom i pošdarbeibys kolektivim.

Atej i izbaudi latgalīšu vīsmīleibu Zīmyssvātkūs Spīkerūs – breineiga īspieja jautri pavadeit laiku i īpierkt nu sirds gataveitys duovonys Zīmyssvātkim.

Kas tī skaņ, kas tī reib
Pošā Reigys videņā?
Atīt svātki doncuodami,
Skanis dzīsmis dzīduodami.

.

Folklorys kūpa “Sovvaļnīki”