Juoņa Streiča gleznu cykla izstuode Daugpilī

21. decembrī 14 stuņdēs Daugpiļs Universitatis Muokslys galerejā nūtyks kinorežisora Juoņa Streiča gleznu cykla “Kur bosom kuojom” izstuodis atkluošona. Izstuodē byus apsaverami pasteļtehnikā taiseiti dobys skoti nu vītom, kur paguojuse Juoņa Streiča bierneiba, puorsvorā attālojūt meiļuos, dzymtuos vītys – Latgolys ainovys. Izstuodis atkluošonā pīsadaleis ari pots muokslinīks.

Sovys gleznys Streičs komentej ar dzejis vuordim:

To vietu vairs nav

Tikai vietu vārdi vēl skan,

Bet aiz vārdiem ainas,

Kas svešas man.

To vietu vairs nav,

Kur bizoju basām kājām,

Un ļaužu vairs nav,

Tie deportēti uz debesu mājām.

To vietu vairs nav,

Šad tad tik iztēlē rodu,

Kad noglāstu vārdu

Ar spalvu vai otu.

.

Juoņs Streičs bierneibā i jauneibā gribiejs kliut muokslinīks, nu teatra spieliešona aizvede iz kino (tys apraksteits juo gruomotā “Lāga dvēseļu straumei”). Prasme zeimēt, Streičam atvīgluoja dīnastu armejā. Studenta godūs jis ar tū peļneja iztyku, gatavejūt dekoracejis amatīrteatrūs, taisūt plakatus klubim i izjāmumim. Ari kino muokslā tys cīši nūdereja i Streiča kinu vizualais ītārps ir puorsvorā juo diktāts i vadeits. 1970. godā kinostudejis muokslinīka asistents Juoņs Anmaņs, īraudzejs Streiča aizaraušonu, vasalus 30 godus nalyka mīrā, leidz Juoņs atsuoka gleznuošonu i nu jau desmit godus Streičs pīsadola izstuodēs i plenerūs kūpā ar nūpītnim muokslinīkim, sovim draugim.

Juoņs Streičs ir sacejs: “Zynu, daudzi nu dzymtuos pusis mani dievej par paraugu tam, kū dzeivē var sasnīgt ar grybu, apjiemeibu i styngru raksturu. Tai navā, muni meilī! Juoatsazeits kai grāksyudzē sovai bierneibai. Puorsvorā manī bejuse aizrauteiba, ticeiba i pasakļaušona lobvieleigūs apstuokļu straume. Asu tai atsadevs, i tei nav mani veiluse. Prūtama līta, daudzis reizis vajadziejs pījimt izškirūšū lāmumu, sasajimt i īt tī, kur juopasaļaun tik iz poša spākim. Asu tū paveics gūdam, vystik puorsvorā manī beja na gryba, nu ticeiba lobūs dvieseļu straumei, kurā es īklivu nu pyrmajim sūlim i kura mani nese.”

Izstuode byus apsaverama leidz jauna goda 15. janvaram dorba dīnuos nu 8:30 leidz 17:00.

Karteņa: Muokslinīks i vīna nu Streiča gleznom, publicitatis materiali

Print Friendly, PDF & Email

Komentari

Kalenders

May
21
Ūtr
15:00 Izstuodis “Juoņs nu Dzeņagola” a... @ Latgolys Kulturviesturis muzejs
Izstuodis “Juoņs nu Dzeņagola” a... @ Latgolys Kulturviesturis muzejs
May 21 @ 15:00 – 16:30
Izstuode byus veļteita muokslinīkam i literatam Juoņam Trūpam (1924-1989), pīmynūt jū symtgadē. Koč i sovys dzeivis leluokū daļu J. Trūps ir pavadejs trymdā, dzeivuodams ASV natuoli nu golvyspiļsātys Vašingtonys, vystik vysu sovu rodūšū darbeibu, breivū[...]
22:05 Annele Slišāne. Tuoraga stuosti.... @ Latvejis Radio 1
Annele Slišāne. Tuoraga stuosti.... @ Latvejis Radio 1
May 21 @ 22:05 – 23:00
Annele Slišāne. Tuoraga stuosti. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
22
Tre
22:05 Egita Kancāne. Syltuo mola. Rade... @ Latvejis Radio 1
Egita Kancāne. Syltuo mola. Rade... @ Latvejis Radio 1
May 22 @ 22:05 – 23:00
Egita Kancāne. Syltuo mola. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
23
Cat
22:05 Valentins Lukaševičs. Casnāgu ma... @ Latvejis Radio 1
Valentins Lukaševičs. Casnāgu ma... @ Latvejis Radio 1
May 23 @ 22:05 – 23:00
Valentins Lukaševičs. Casnāgu maizeitis. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]