Latgolys Muokslys i amatnīceibys centrs itymā godā nūlieme, ka sovu egleiti rūtuos ar pošcaptom piparkūkom, deļ tuo aicynuoja sevkuru Leivuonu nūvoda īdzeivuotuoju, uzjāmumu i vaļsts īstuodis kolektivu cept piparkūkys, ar kurom piec tom kūpeigi izrūtuot Latgolys Muokslys i amatnīceibys centra egli.

Latgolys Muokslys i amatnīceibys centra (iz prīšku LMAC) aicynuojumam atsasauce bārnuduorza “Rūķīši” audziekni, Leivuonu Bārnu i jaunīšu centrs, folklorys kūpa “Turki”, studeja “Dubna”, “Latvejis valsts meži”, kai ari cyti profesionali i na tik profesionali piparkūku cepieji.

LMAC egle ar piparkūkom tyka rūtuota 16. decembrī i vysus centra apmaklātuojus prīcēs leidz pot janvara suokumam. Eglis rūtuošonys pasuocīņā pīsadaleja Leivuonu īdzeivuotuoji i bārni nu Leivuonu 1. vydsškolys, gon ari gosti nu Kalsnovys pamatškolys. Zīmyssvātku tradicionalū gordumu eglē kuore gon leli, gon mozi i kūpā egleitē tyka īkuotrys aptuveni 265 piparkūkys. Tai kai sovu muokslys dorbu egleitē var dalikt sevkurs centra apmaklātuojs, tod piparkūku skaits vēļ var pīaugt.

Vaira par Leivuonu egleiti Vydsdaugovys televizejis sižetā