Folklorys kūpai “Rekavas dzintars” izīs albums

18. februarī 18 stuņdēs Rekovys Kulturys centrā (Viļakys nūvods) nūtiks folklorys kūpys „Rekavas dzintars” muzykys diska „Iz vacuo okas sukruma” prezentacejis koncerts.

Folklorys kūpa „Rekavas dzintars” dybynuota 1995. goda februarī i tuos repertuarā ir vītejuos Zīmeļlatgolys dzīsmis, nu kurom 12 īkļautys ari jaunajā albumā. Dzīšmu pavadejumam izmontuoti dažaidi muzykys instrumenti: garmane, bungys, vijūle, gitara, mutis garmane, albums īraksteits Balkanu dobys parka sātā Ata Auzāna vadeibā. Kai atzeist folklorys kūpys dalinīki – dzīšmu īroksteišonys process jim bejs lels jaunums, deļtuo ka koč kū taidu darejuši pyrmū reizi. Albuma nūsaukums ir taids pot kai vīnai nu pyrmajom (i meiļuokajom) folklorys kūpys „Rekavas dzintars” dzīduotajom dzīsmem.

„Iz vacuo okas sukruma” tops pasasokūt Vaļsts Kulturkapitala fonda atbolstam, kas finansiali atbaļstejs divejus folklorys kūpys projektus albuma īraksteišonai. Juoatzeimoj, ka disks ir vaira kai kūpys i nūvoda prezentacejis materials, nu folklorys kūpa īceriejuse albumu izduovynuot ari Latgolys školom, bibliotekom i cytim folklorys kolektivim. „Rekavas dzintars” car, ka īraksteituos dzīsmis izskanēs tautuos gon ar Latgolys Radejis, gon folkradejis Oira paleidzeibu.

Itymā vosorā folklorys kūpa pīsadaleis starptautiskajā folklorys festivalā BALTICA, kai ari byus sastūpoma nūvoda, pogosta i cytūs pasuocīņūs.

Diska atkluošonys koncertā pīsadaleis deju kūpa „Nebēda” nu Bolvim. Piec koncerta bals ar grupu „Ginc&Es”, īejis moksa balā 1,50 Ls.

Vaira var folklorys kūpu „Rekavas dzintars” skaiti Bolvu regiona kulturviesturis datu bazē.

 

 

Folklorys kūpa „Rekavas dzintars” Nūvodu dīna Breivdobys muzejā 2011. godā 

 

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]