Izguojs jauns latgalīšu folklorys dzīšmu albums

Februara vydā Viļakys nūvoda Škilbanu pogosta Rekovys KC sovu pyrmū īrokstu CD formatā prezentieja folklorys kūpa „Rekavas dzintars”.

Ar eipašu koncertu tika prezentiets folklorys kūpys albums „Iz vacuo okas sukruma”, kurā īdzīduotys 12 pošu folklorys kūpys dalinīku meiluokuos Zīmeļlatgolys i Škilbanu pusis dzīsmis, nu kurom leluokuo daļa ir ļusteigys i jautrys latgalīšu dzīsmis. Koncertā pīsadaleja na viņ poši pasuocīņa vainenīki, nu ari deju kūpa „Nebēda” nu Bolvu, bet pasuocīni vadeja Aija i Ineta. „Rekavas dzintars” soka lelu paļdis vysim atbaļsteituojim i leidza jutiejim!

Albuma īrokstā izmontuoti muzykys instrumenti, kū spielej folklorys kūpys dalinīki – garmane, gitara, valna bungys, sazafons, mutis garmane, bungys i vijuole. Albums taiseits kai folklorys kūpys i Viļakys nūvoda prezentacejis materials.

LaKuGa pīduovoj īsavērt albumā i nūsaklauseit tuo tituldzīsmi „Iz vacuo okas sukruma”.

Vaira informacejis par albumu var vaicuot folklorys kūpai, rokstūt iz cibis@sveiks.lv.

Kartenis: Folklorys kūpys „Rekavas dzintars” albuma prezentacejis koncerts, foto Vineta Zeltkalne

.

 

 

Print Friendly, PDF & Email

Komentari

Kalenders

Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]