Plauksti, cylvāk /Juoņs Šaudeņš. Ailenis

Kod troki vieji kūkus šyupuoja, kod dūmys raisiejuos par pavasari i kod cylvāki sasatyka iz pīktdīņu vokoru pasiediešonom. Koč kas jauns nu Juoņa Šaudeņa.

 

Vīta, kur ceļās viejs…

Sēdēt solta, bolta kolna golā
Pretī aizom dziļom,
Daudzu symtu godu atpakaļ grauztom
I just…
Kai plaukstuos dzymst
Pyrmuo vieja komuli
Vāsums i raizī spāks –
Nūturēt i naatlaist
Iz vysom dabasu pusem
Nu kuru vacī pyutieji
Motus krindzeļu krindzeļūs pyn
Aizmierst vysu,
Lai atrostu…
Atrostu jaunu sevi
Vieja īskautūs,
Snīga capuruotūs
Kolnūs…

 

Plauksti…

Plauksti, kūks, kas snīdzīs pretī saules rūkom

Iz vysom dabasu pusem, iz vysom zemis molom

Plauksti…

Plauksti, cylvāk, kas piec zīmys boltuma bīza, solta

Drupeit aizmidzs, drupeit mīreigs i kluss

Iz kotra cylvāka smaidu, iz kotra sylta vuorda

Plauksti…

Plauksti, putneņ, kas nu tuolīnis atpakaļ atliduojs esi

Iz kotra cylvāka ausim, vēļ skaistuok, vēļ skaļuok

Plauksti…

Plauksti, zareņ, kas reiz nūlauzts beji

Ar jaunu spāku pretī dabasim zilim

Iz kotrys gaismys, iz kotra leita

Kas tev dzeiveibu dūd

Plauksti…

Plauksti, sirds, piec sevis mekliejumim i puordūmu laika

Vēļ styprok, vēļ plašuok

Plauksti…

Plauksti, doba, cylvāk – pasauļs vyss!

Ir atguojs pavasars, ir atguojs jiusu laiks

Dzirksteļojūšu dzīsmi

…….Dzeļvērtis zīdu

………….. i Kruosainu dūmu..

***

Citati iz pīktdīnis vokora runom: 

– ” Nūpierkt zīmys saldiejumu…”

– ” Pļovā nūveitušys veibūtnis, un foršs cylvāks ir Jis ”

– “Un viņš teica: Desa “Jubilejas” ze best of ze best”

– “Viļņa ir nu kreisuos pusis bez abažūrim!”

– ” (..) Vādars pylns a sirdī tukšums

Daudz kas joatrūn, tik nivīna nav sātā

Ir dzeivē vyss lobs voi slikts,

I vyss kas īt ir naatlikts.

Gona ražuot ļaudis

Cylvākam vajag cylvāka (..)”


Kalenders

Jul
11
Pīk
19:00 Izruode “Mazpiļsāta” @ Saldus Kolnsātys parks
Izruode “Mazpiļsāta” @ Saldus Kolnsātys parks
Jul 11 @ 19:00 – 21:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]
Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.