Kotru pīktdīni 18:30 Latvejis Televizejis raidejums „100g kultūras” pīduovoj eipašu diskuseju cyklu zam nūsaukuma „Nacionālie dārgumi” – plašuokys sarunys par konkretom temom, kas Latvejai i kulturai ir eipaši svareigys.

Šudiņ, 30. martā 18:30 nacionalī duorgumi tiks meklieti Latgolā. Kas Latgolu dora izškireigu i sovpateigu? Kaids ir latgalīša raksturs, par kū jis dzīsmis dzīž i Dīva lyudz, voi dažu reizi jiutās pamasts molā i nanūvārtāts? Studejā ar raidejuma vadeituoju Arno Jundzi par itim vaicuojumim puordūmuos daleisīs, kai raidejuma veiduotuoji soka – Latgolys zynuotuoji i patrioti.

Raidejumā pīsadaleis – zynuotneica Anna Stafecka, dzejneica Anna Rancāne, Nacionaluo teatra akters Uldis Dumpis, Saeimys deputats i muzykants Gunars Igauņs, bazneickungs Aigars Bernāns, Dailis teatra akters Kristaps Rasims, filologejis doktore i publiciste Ilze Sperga, Upeitis tautys noma vadeituojs Andris Slišāns.