Itūgod festivals nūteik 25. i 26. augustā i svieteis sovu 13. pastuoviešonys godu. Īprīškejūs 12 godūs kamermuzykys cīneituojim par prīcu festivalā gastejuši gon izcili latvīšu muziki, gon uorzemu gosti. Ari ityma godā divejuos dīnuos byus pīduovuoti treis koncerti i koncertu organizātuoji car, ka kotrs klauseituojs atrass muzykalū pīpiļdejumu sovai gaumei.

Jau catūrtū godu festivala organiziešonys sadarbeibys partneri i Līpuojis Simfoniskais orkestris i tuo muziki. Ari itūreiz Bolvūs skanēs koncertprogramys lobuokū kameransambļu, gon ari Līpuojis Simfoniskuo orkestra solistu izpiļdejumā.

Festivalam eipašu nūskaņu daškir gon izsmolcynuotuo muzyka i talanteigī muziki, gon šmukais i akustiskais koncertzals, nu kura lūgim radzams skots iz Bolvu azaru. Festivala laikā byus īspieja apsavērt ari Bolvu nūvoda Muzeja izstuožu zalus, īt pastaiga pa Bolvu muižu kūpā ar gidu, izbraukt pa Bolvu azaru i turēt vakarenis Bolvu muižā.

Festivala programa:
25. augusts
14:00 atkluošona ar izstuodi „Festivala 12 godi”
15:00 koncerts „Tautys i dzīsmis”
18:00 koncerts „Spūdrais koncerts”

26. augusts
16:00 XIII kamermuzykys festivala nūslāguma koncerts

Īejis moksa iz kotru pasuokumu byus 1,00 Ls.

.

.

Latgolys Regionaluos televizejis sižets par pārnuo goda festivalu