Ekumeniskajā mišā Leiksnys Rūmys katuoļu bazneicā 18. decembrī 12:00 asūt kluot vysu religiskū konfeseju puorstuovim tiks pasvieteits Daugovpiļs nūvoda karūgs.

Daugovpiļs nūvoda karūga autore ir muokslineica Silva Veronika Linarte. Karūgs ir divpusiejs, tys ir daleits divejuos vertikaluos jūsluos – keirajā sorkonuo kruosa, lobajā boltuo kruosa. Boltuos kruosys jūslā treis pleivojūši sudobra karūgi ar treisdaļeigi škaltim golim, likti pāļa virzīnī, iz karūgim centrā saveits sorkons krysts ar malnu punktu ryndom zorūs.

Karūgu padūs pogostu puorvaļžu i izgleiteibys īstuožu vadeituojim. Jaunais karūgs byus naatjemams Daugovpiļs nūvoda symbols i veicynuos nūvoda atpazeistameibu.

Informacejis olūts: Daugovpiļs nūvoda dūme