Da ituo Latgolys nacionaluos pretesteibys kusteibai 1944. – 1956., kas Latvejis teritorejā veice organizātuokū i vierieneiguokū pretuošonūs i aptvēre na viņ Latgolys, nu ari Vydzemis reģionus, vēļ nav veļteits nivīns kinodorbs.

Prīstera Ontona Juhņeviča tragiskais dzeivisstuosts, kas viesturiski ir cīši saisteits ar partizānu karu Latgolā ir piļneigi nazynoms plašuokai sabīdreibai, deļ tuo bīdreiba „Fish” projektam „Labie darbi” īsnīguse sovu dasacejumu atbolsta dabuošonai i kinys sataiseišonai.

Īcarāts, ka kina byus inscenātuo dokumentalisma stilistikā, restaurejūt viesturiskuos nūtikšonys i personažus, kū papyldynuos arhiva materiāli – kinuhronikys, fotokartenis, viestulis, protokoli, dīnysgruomotys i cyti dokumenti.

Kinys epizodēs pīsadaleis vairuoki Jaunuo Reigys teatra, Dailis teatra i Nacionaluo teatra akteri – Varis Piņķis, Kristaps Rasims i cyti.

Kina pamatā skanēs latgaliski, kai viesturiski sasazynuoja kinys varūni, nu byus dzieržamys ari latvīšu, krīvu i latiņu volūdys.

Kinys taiseišonys komanda lyudz podturēt ar atbolstu, kab varātu nūpierkt kinys taiseišonys tehniku – kamerys i laukuma skona īroksta sistemu.

Atbaļsteit var ITE