Daugovpiļs nūvoda dūme izveiduojuse jaunu turisma, atpyutys i kulturys agenturu “TAKA”, kura saskaņā ar nūlykumu eistynuos pošvaļdeibys izstruoduotū kulturys montuojuma saglobuošonys i atteisteibys politiku Daugovpiļs nūvodā, kai ari veicynuos turisma atteisteibu.

Vīns nu jaunizveiduotuos agenturys pīnuokumim byus apsazynuot informaceju par Daugovpiļs nūvodā asūšajim i perspektivajim turisma, sporta i kulturys montuojuma objektim i pīduovuojumim ar mierki popularizēt i veiduot jaunus turisma produktus i pakolpuojumus, sasadorbojūt ar vītejom zemnīku saimisteibom, uzjiemiejim i omotnīkim. Taipat tiks nūstyprynuota sadarbeiba ar nūvoda muzejim i turisma operatorim. “TAKA” veiks suveniru, muokslys dorbu i turisma informativūs materialu, kuri nūformieti ar nūvoda simboliku, tierdznīceibu. Agentura administrēs Višķu estrādis i stadiona pokolpuojumus, tymā skaitā iznūmojūt itūs objektus komercialim atpyutys i breivuo laika pasuokumim.

Agenturys budžets 2013. godā byusLs 33 944. Sovu darbeibu tei uzsuoks 2013. goda 4. februarī, pēc tam kod atvārtā konkursā tiks apstyprynuots pošvaļdeibys agenturys “TAKA” direktors.

Karteņa: LaKuGys arhivs
Ziņu sagataveja: LaKuGa