Kai izaruoda, Jelgovys pusē Ūzūlnīkūs (Ozolniekos) kuodreiz ir dzeivuojs daudz latgalīšu, kas tī beja īsarodušs dorba mekliejumūs. Vītejuos kulturys dzeivis organizatorim ir rodusīs ideja sareikuot tī latgalīšu saītu, kas nūtiks ituo goda 20. aprelī Ūzulnīku Tautys nomā. Pasuokuma laikā tiks īskandynuota sadraudzeibys dīna „Būsim vienoti Latvijā”, lai gūdam sagaideitu vaļsts 95. dzimšonys dīnu.

Pasuokuma gaitā byus Latgolys muokslinīku i omotnīku dorbu izstuodis, gruomotu i muzykys izdavumu stends, gostu i vītejūs kolektivu koncerts, rodūšais liduojums sadaļā „Pēdas un pēdiņas”, vokora gaitā paradzāta sadzīduošona, sadoncuošona i kina par Latgolys rodūšū inteligenci. Vokorā nūslāgumā bals kūpā ar Igauņu saimi.

Īprīkšeja pīsateikšona pa telefonim: 63050144, 29851718, 27731017. Iz vokora pasuokumu īeja 3 Ls, leidza juojam kerzineite.

Precizuoka saīta programma byus pīejama marta beiguos.

Karteņa: LaKuGys arhivs
Ziņu sagataveja: LaKuGa