Jaunīšu organizaceja „Latgolys Studentu centrs” ir vīna nu tuom latgalīšu bīdreibom, kurei aktivi dorbojās latgalīšu kulturys populariziešonā. Leidz ar pavasari LgSC atsuoc dorbu Rēzeknē i pi čaklys struoduošonys kluot ir givusēs jaunuo biroja vadeituoja Ingūna Sermule.

27. februarī Rēzeknis birojs aicynoj studentus i na tikai atīt iz naformalu tikšonūs breivā atmosferā kopejneicā „Mozō Rogovka”, lai īsapazeitu ar „Latgolys Studentu centru”, atrostu jaunus dūmubīdrus i draugus, labi pavadeitu laiku i, cerams, ari turpmuok īsasaisteitu LgSC dorbā.

Ziņu sagataveja: LaKuGa